تغطيتي لـرحلة ( دولة الإمارات ) !!! - منتديات رجة بنات - بنات الرياض

| **آلشےـآمےـخ͠~.. ●** · 10 - 09 - 2011, 03:26 PM

السلام عليكم

يسعد صبآآح قلووب من (السبت) مهموومه

شسمه طبعا اليوم حبيت أنزل لكم تغطيتي لرحلتنا لـ (دولة الإمارات)

من كنت في الطريق وأنا مفكر في المنتدى قلت لازم أنزل لهم تغطية خآصة

ماحب أطول عليكم بالحكي أخليكم مع الصور والتعليقات البسيطة عليها

بداية الرحلة : ثآني أيام العيد (صبآحآ) طريق الخرج --- حدود الإمارات (600كيلو)
عدد الأشخاص : ثلاث تماسيح وأنا الرابع ( الرحلة خالية من السحالي ولله الحمد

)
الأعمــــار : +18
مدة الرحلة : 6 أيــــآم
تكلفة الرحلة : ---------- ريـــــــــال << مابي أقولكم

أخليكم مع التصوير من بداية الرحلة إلى نهايتها
وأتمنى في حالة إعجابكم وتقديركم لجهد التصوير ورفع الصور
( الرد + التقييم + بوسه إسلامية )

التعليق تحت كل صورة

هذا قبل دخولنا للحدود ( يعني ماقفل البي بي للحين خخخخخ )

عشرين ألف ختم عشان ندخل الإمارات بسيآرة ( أمر طبيعي جدا )

:: تغطيتي لـرحلة ( دولة الإمارات ) !!! ::

أثناء حوستنا في دبي ندور الفندق اللي حجزنا فيه ( طبعا حجزنا الفندق من رمضآن عن طريق النت )
البرج اللي قدآمكم برج خليفة وآسف على التصوير البايخ شوي

وأخيرن لقينا الفندق بعد عناء ومشقة ولكم بعض صور الغرف والصالة

:: تغطيتي لـرحلة ( دولة الإمارات ) !!! ::

خلصنا من الفندق ونمنا وصحينا ثاني يوم < قل قسسسسم

صور لبعض أبراج دبي ( صدق مدينة سياحية من الدرجة الممتازة )

برج خليفة معتلي من بين أبراج دبي كلها ( أطول برج في العالم على حسب معلوماتي )
تم إنشائه من عام 2004 إلى عام 2008 وتم افتتاحه في عآم 2010
وهذي صورة أوضح له

بعض الأبراج تحت الإنشاء

مناظر جمالية وبنايات شاهقة الارتفاع تفوق الوصف والخيآآل < هذا الاهتمام بالوطن

برج خليفة من زاوية أخرى

ألحين ننتقل إلى ( دبي مول ) من أكبر وأعظم المولات في الإمارات
يقع المول جنب برج خليفة بالضبط وأعتقد إنه تبع البرج لأن دخول البرج من خلال المول

بررررب ( أتمنى عدم الرد إلى حين اكتمال الموضوع )

| **آلشےـآمےـخ͠~.. ●** · 10 - 09 - 2011, 03:28 PM

بآآآآآك ( رجعنا لكم مع صور المول )

حاليا في المواقف ( وهذي سيارتي المستقبلية إن شاء الله )
ياويل اللي مايقول آآآآميييييين

هذي نآفورة مدري وش يسمونها بس تنسيقها روووعه على شكل شلال هآآآدي
طبعا المول تقريبا 7 أدوار والنآفورة من أعلى دور لأسفله ( يعني تمر على كل الأدوار )
وهذي بعض صورها واللي على النآفورة مجسمات على شكل غوآصين < يذكروني بـ غرندايزر

وهذا منظر في وسط أحد ساحات المول

طبعا ألحين حنا خآرج المول في الساحة المخصصة لتصوير البرج ( تكسرت رقبتي من التصوير )
:: رد: تغطيتي لـرحلة ( دولة الإمارات ) !!! ::

هذي الساحة بس من الجهة الأخرى المعاكسة لـ برج خليفة
والبحيرة هذي بعد الساعة 6 المغرب تشتغل نآفورة يسمونها النافورة الراقصه
بس للأسف ما أمداني أصورها بس ابحثوا عنها في النت معروفه

وهذي من جهة أخرى

بعض تماسيحنا أثناء تصويرهم ( يالهم من خقققققه )

هذا واحد يصورر مززته وشآركناهـ التصوير من باب المحبه والتآخي

وبعدها رجعنا للمول حجزنا بطاقات صعود أعلى البرج لليوم اللي بعدهـ وكملنا التصوير في المول

هذي غرفة تدخلها ويكون كل اللي حولك أحواض مويه وأسماك لكن للأسف ما أمدانا ندخلها
وهذا تصوير لها من الخارج < اللي رافع ضغطي كيف دخلو السيارة هههههههههه

وهذي ساحة تزلج بوسط الموول ساحة كبيرة بس لأن التصوير من أعلى دور في المول

:: رد: تغطيتي لـرحلة ( دولة الإمارات ) !!! ::

اللي في الصورة طبعا شخص سبك مع حبيبته ويزفونهم في المول < مدري وش يبون في الحياة
بس رأفة ورحمة ومشاركة لأفراحهم صورناهم خخخخخخ

عآآد بعد ماطلعنا من المول ( في الليل طبعا ) لقطنا صورة لـ برج خليفة بإضاءته الخوقآقيه

بعدها رحنا نتعشى في المطعم وانتهى يومنا ورجعنا للفندق

بررررب ( أشوفكم في تغطية اليوم اللي بعده أتمنى عدم الرد )

| **آلشےـآمےـخ͠~.. ●** · 10 - 09 - 2011, 03:29 PM

بآآآآك ( طبعا مع يوم جديد )

طلعنا العصر ماندري وين نروح وكان القرار في النهاية إلى حديقة الجميرا (حديقة شاطئية)

صورة أثناء ذهابنا للحديقة ( ملاحظة جمالية الأبراج الشاهقة )

لقطتين حصرية لـ بعض المزز من الفلبين الشقيقة < سعوديين مانضيع اي صورة ههههههههه

لحد يدقق على الأحمر والأخضر تم تصويرهم بشكل عفوي

بدأ يحل الغروب علينا

طبعا في الصور التالية فآصل مهاري في تصوير أحد الصوآريخ ( مشاهدة +18 فقط )

أثناء خلع بعض الشسمه للاستعداد لعملية الغوص

لقطة لعملية الدخول إلى البحر

:: رد: تغطيتي لـرحلة ( دولة الإمارات ) !!! ::

لقطة لعملية التجول في البحر واكتشاف الأصداف والكائنات البحرية

وبعد انتهاء عملية الغوص ( التقاط الصور التذكارية )
وفي هذه اللحظة بغينا نروح غلطة بس ربك ستر وراحت تلبس خخخخخ

:: رد: تغطيتي لـرحلة ( دولة الإمارات ) !!! ::

بآآآآك بعد الفاصل وآخر صورة للبحر قبل مغادرة ( حديثة الجميرا ) متنا من الجوع

طبعا بعد الحديقة أخذنا كم فرهـ في الجميرا وتغدينا وانطلقنا بعدها لـ ( جزيرة النخلة )
<< أحس إني أنفع مرشد سياحي أنا وأسلوبي الخآآيس خخخخخخ

هذا فندق أتلانتوس ( أحد هدايا مسابقات طارق وهيونه اللي متابعها بيعرف الجزيرة )
طبعا الجزيرة على شكل نخلة وللأسف بحكم إن وجودنا كان بالليل ما أخذت صور كثيرة لها

صورة لأحد شوارع الجزيرة ( شي خيآآلي وروووعه )

بعدها رحنا لت مقهى ( وأخذنا راس معسسسل يحبه قلبك ) من مطعم ومقهى ريم البوادي

ورحنا ننآم ( برررررررررررررب ) بكرة إذا صحيت اكمل لكم التغطية ياويل اللي يرد

| **آلشےـآمےـخ͠~.. ●** · 10 - 09 - 2011, 03:30 PM

بآآآآك

( تذكرون يوم أقولكم إننا حجزنا في قمة برج خليفة )
أكيد تذكرون المهم إننا صحينا وأفطرنا ورحنا للبرج نشوف وش هو من لحيه خخخخخخخ

اخليكم مع الصور والتعليق

طبعا مثل ماذكرت سابقا إن دبي مول يتبع برج خليفة ودخول البرج من خلال المول
لذلك لاتستغرب إذا شفت نفس الساحة ونفس الصور لأننا رجعنا نفس المكان

وأخيرن تم الكشف عن مزتين من خليجنا العربي < تدرون الأغلبية اجانب ونصرة للعرب صورناهم

طبعا قبل دخول بوابة الصعود للقمة فيه مجسم زجاجي للبرج مصمم بشكل خيآلي ورآيق

منطلقين مع مجموعة كبيرة من الأجانب الأوربيين لـ قمة البرج ( 124 طابق )
:: رد: تغطيتي لـرحلة ( دولة الإمارات ) !!! ::
طبعا لحد يسوي ذكي ويقول ترقآهـ بدرج كهربائي والله لو إني كابتن ماجد
طريقة الصعود بالأسانصير بس مانزلت الصور لوجود بعض الملابس المخله بالآداب العامه < وانت خليت فيها آداب خخخخخخ

وهذا التصوير من قمة البرج ( تذكرون البرج هذا وش كان كبرهـ .. تابعوهـ من فوق ولا شي )

هذي برجين لـ شركة ( إعمار ) شركة معروفة وهي من قامت ببناء برج خليفة

تآآآبعوا جمآآلية المنظر ( هذي لا قآلوا سيآحه )

إإإإيه صح على فكرة خلوني أقولكم وش مميزات قمة برج خليفة

1- إمكانية المشاهدة من أربع جهات بشكل دائري وبمساحة كبيرة تسمح لك إنك تنام مو بس تشوف
2- وجود تلسكوب لرؤية الأبراج والسيارة والشوارع بشكل قريب جدا وبعدة اختيارات
منها الوضع الليلي وهو وضع مصور مسبقا وفيه الوضع الضبابي وفي الوضع المباشر وهو مشاهدة لآيف
3- وجود كشك لبيع التي شيرتات والجاكيتات والمجسمات والميداليات وغيرها من الاكسسوارات
وكلها عليها شعار برج خليفة
4- وجود ماكينة لبيع سبائك الذهب وبعدة أسعار وعدة أحجام < جديدة
5- وجودي أنا شخصيا في البرج والذي أضاف طابع الفله والوناسه على جميع المشاهدين

نكمل لكم التغطية ( أتمنى ماحد يجيب لي مقارنة برج المملكة وبرج خليفة عشان مانتحر ألحين )

هذا التلسكوب مثل ماذكرت لكم سابقا

هنا بعض مزز أوروبا ماسكين التلسكوب ولا فيه أمل يفكونه إلا بعد مايحللون التذكرة

هذي أحد ممرات قمة البرج ومثل ماقلت لكم قبل ممرات واسعة ومكيفة ومرتبه ( طبعا هذا أصغر ممر )
:: رد: تغطيتي لـرحلة ( دولة الإمارات ) !!! ::

وبكذا نكون خلصنا من قمة برج خليفة وإن شاء الله الصور كانت كافية وواضحه

بعد البرج طلعنا للإمارات موول وأكمل لكم التغطية في رد جديد

برررررررررررب ( لحد يرد )

| **آلشےـآمےـخ͠~.. ●** · 10 - 09 - 2011, 03:33 PM

بآآآآآك

طبعا تذكرون إننا نطلعنا من برج خليفة ورحنا للإمارات موول
أكيد ماتذكرون لأنكم ماكنتو معنا خخخخخخخخ

أخليكم مع التغطية وبصراحة مافيه شي مميز جذبني في المول حتى صالات السينما عادية جدا

:: رد: تغطيتي لـرحلة ( دولة الإمارات ) !!! ::

نآآفورهـ في أحد صآلآت الموول

أشككال جمالية معلقة في السقف مع إضاءة حلووهـ ومتغيرهـ

بعض الهدآيآ لأشخاص عزيزين على القلب ( الشي الوحيد اللي نسيته إني أجيب لكم هدية )
بس أدري إن وجودي بينكم أكبر هدية

صالة السينما بعد نهاية الفيلم وواضح قدامكم إنها صالة عادية جدا وصغيرة < مقارنة بـ صالات البحرين
وطبعا صورت نهاية الفيلم عشان لاتشوفون ولا لقطة منه هههههههههههه

فيلم ( بون سواريه ) للمثل الكبير حسن حسني .. ترى الفيلم شوي خربآآآن +18 خخخخخخخ

هذا واحد من التماسيح مدري هو مندمج في النافورة اللي تحت ولا يبي يرقم اللي جنبه خخخخخخ

وهذا الموول نهاية اليوم ويلاحظ إنه فاضي وإننا طالعين نتعشى وننآم وموعدنا في اليوم اللي بعدهـ
( وهو اليوم الأخير للرحلة )

برررررررررب

تدرون بآآآك خلونا نكمل في الرد هذا حرآم نصرف ردود على الفاضي

اليوم الأخير طلعنا من الفندق متأخرين ورحنا على طول لـ ( القرية المائية )
:: رد: تغطيتي لـرحلة ( دولة الإمارات ) !!! ::
أكيد معروفة القرية المائية وموقعها جنب برج العرب بالضبط
أخليكم مع التغطية

هذي صورة لـ برج العرب وعلى اليمين القرية المائية ( بس من تتوقعون داخل التآكسي اللي قدآمنا )

ههههههههههه صدنآهآ خليجية جآيه للقرية المائية

طبعا أعطيكم نبذة عن القرية المائية وأسعارها وشروطها عشان ماتتوهقون مثلنا

1- التمشية في القرية والمشاهدة تشترط لبس ملابس سباحة للذكر والأنثى ( ماعادا السعوديات معطينهم جوهم )
2- الدخول 300 درهم للشخص يعني يعادل تقريبا 306 ريال سعودي ( يعني عددنا اربعة دخلنا بـ 1200 درهم )
3- اللي مامعه ملابس لازم يشتري ( شورت سبآحة بـ 200 درهم ) وحنا أربعة يعني ( 800 درهم )
يعني الحسبة في الأخير 2000 درهم عشان ندخل ونشتري ملابس سباحة <

المهم ماطول عليكم أخليكم مع بعض الصور
( طبعا بما إن الشعب كله مفصخ وبملابس سباحة فما قدرت أنزل كل الصور خخخخخخخ )

صورة لـ برج العرب من داخل القرية المائية

ألعاب القرية أغلبها شلالات

صور للقرية المائية من مكان مرتفع

.................................................. .................................................. .............

وبكذا أكون خلصت التغطية وآسف جدا على أي خطأ أو تقصير غير مقصود

وأنا ما أقول إن تغطيتي مميزة ولا مافيه أحلى منها بس أقول إنها كلفتني جهد ووقت
أقلها 130 صورة رفعتها على موقع ورتبت روابطها وتعليقات عشان لا تملون من المشاهدة

تكفيني الكلمة الطيبة والتقييم ( وإن شاء الله تشوفوني في تغطيات أكثر )

** أي تعديل يشوفه رأي الإدارة من تغيير ألوان الخطوط أو أحجامها المجال مفتوح لكم
بصراحة تعبت من الكتابة ورفع الصور وماعاد فيني طآقة أضبط الألوان والأحجام والتنسيق

تحيــــــــــــــــــآآآتي للجميـــــــــــع ...

((( وكــل عــــآآآم وأنتــــم بأأألف خيـــر ))))

الـشــــآآآمــخ

| **ريحانة المدينه ●** · 10 - 09 - 2011, 03:50 PM

وانت بخير يارب

اقتباس:

ياويل اللي مايقول آآآآميييييين

آآآمــيــن يــآآآرب>>خافت

يــآآآلــكــم من تــمـــآسيـح فليتو ابو ابوها
من جــد ابدعــت بالتصوير
وكل الرحله من الجمارك
للقريه المائيه وبرج خليفه والفندق>>خقت عندها

روعــــــــــــــه قليله فيها وربي ابداااااااع

لك احلى واروع واطلق واكبر واحسسن واقوى تقييم>>قيمي ولايكثر
يعطيك العافيه يارب
وننتظر جديد ابداعك
لك خالص احترامي

| **غََـمَوٍضَ فَتَآةَ ●** · 10 - 09 - 2011, 03:55 PM

تمساح خقق

من جد تغطيه استمعت بها

كاني رايحه لدبي الحين وجايه

صور جدا رائعه

وتحكي واقع حدث الان

لان دخلت جو مع الصور

مع اني كثير اطلع لدبي

بس تصويركك خقق بصراحه

سلمت يمناك اخوي الشامخ

تغطيه ولا اروع

لك احلى تقيم

نتظر جديدك من عالم الابداع والتميز والتالق

تقبل مروري

ولك ودي واحترامي
:: رد: تغطيتي لـرحلة ( دولة الإمارات ) !!! ::

| **غََـمَوٍضَ فَتَآةَ ●** · 10 - 09 - 2011, 03:57 PM

عبوت المويه هذي شنو

ولا عبوه عاديه

تصدق حيرتني قاعده افكر شنو جاب المويه بالمطبخ وخارج الثلاجه ...

| **غََـمَوٍضَ فَتَآةَ ●** · 10 - 09 - 2011, 04:00 PM

طبعا المنطقه هذي الشاطى المفتوح الي قريبه من بنك سامبا وفي منطقه الجميرا على ماخاب ظني

| **آلشےـآمےـخ͠~.. ●** · 10 - 09 - 2011, 04:10 PM

اقتباس:

المشاركة الأصلية كتبت بواسطة ريحانة المدينه

وانت بخير يارب

آآآمــيــن يــآآآرب>>خافت

يــآآآلــكــم من تــمـــآسيـح فليتو ابو ابوها
من جــد ابدعــت بالتصوير
وكل الرحله من الجمارك
للقريه المائيه وبرج خليفه والفندق>>خقت عندها

روعــــــــــــــه قليله فيها وربي ابداااااااع

لك احلى واروع واطلق واكبر واحسسن واقوى تقييم>>قيمي ولايكثر
يعطيك العافيه يارب
وننتظر جديد ابداعك
لك خالص احترامي

هههههههههههه عقبال تفلينها معنا يآآآآآرب

ومشكوووورة ياقلبي على التقيييم فديتك

منورهـ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ا ا لسياحة العلاجية في الاردن	راب السعودية	قسم المواضيع المكررة	0	25 - 03 - 2011 02:10 PM
أفضل عشرة دول في السياحة العلاجية	عديم احساس	قسم المواضيع المكررة	0	17 - 03 - 2011 12:30 PM
مادة التغذية العلاجية (دراسة التغذية العلاجية)(ماجستير بكالوريوس دكتوراة التغذية العل	راب السعودية	قسم المواضيع المكررة	0	16 - 03 - 2011 02:50 PM
فرصة عظيمة للمهتمين دورات فى التداوي بالأعشاب و التغذية العلاجية	rooan	قسم المواضيع المكررة	0	13 - 03 - 2011 06:21 PM
فرصة عظيمة للمهتمين دورات فى التداوي بالأعشاب و التغذية العلاجية	rooan	قسم المواضيع المكررة	0	13 - 03 - 2011 05:50 PM

للمزيد من مواضيعي