حكاية عشاق ( خاطره منسوجه بقصة ) - الصفحة 4 - منتديات رجة بنات - بنات الرياض

مہزآجہي صہعےب · 17 - 01 - 2012, 11:10 AM

الجزء الواحد والعشرون

رنا
اول مادخلت البيت اللي كان معي مفتاحه قبل ..
لقيت امي بالصالة .. على طول ركضت لها وضميتها وقعدت اصيح وأشاهق بأقوى ماعندي ..
وأمي تحاول تهديني وهي تقرأ علي ..
أمي بخوف واضح من صوتها : يابنتي فهميني وش فيك ؟؟.. بسم الله الرحمن الرحيم .. رنو .. رنو حبيبتي كلميني ..
اما انا ماتسمعون الا صوت صياحي ..
وانا اصيح سمعت صوت فواز وهو يقول لأمي : وش فيها الدلوعه تصيح ؟؟ استغفر الله اول ايام زواجها وتصيح ..
رفعت راسي ومسحت دموعي وانا ودي امسكه واعجنه بيديني الثنتين ..
ابعدت عن حضن امي وجلست جنبها ..
قلت لفواز بصوت مخنوق : الحين تسمي هذا زواج .. قول مجزرة قول براكين زلازل .. مو تقول زواج ..
فواز وفي نبرة صوته استهزاء على كلامي : انت اصلا ماتشكرين النعمه اللي ربي انعمها عليك .. انت بطرانه وتتبطرين ..
مديت يدي وكشيت عليها : كش عليك وعلى وجهك .. مو منك من اللي جالس يكلمك يالدب ..
قمت على طول ورقيت فوق لغرفتي .. شلت عباتي عني وعلقتها ..
لقيت سدومه ياحياتي نايمه في غرفتي ..
ترددت اقومها او لا .. بس في الاخير خليتها نايمه .. دامي راح اخذها معي اليوم .. فما حبيت ازعجها .. جلست ارتب في ملابس سدومه واحطها في الشنطه .. لان اغراضي وملابسي كلها جاهزة ومترتبه من قبل .. لما سكرت شنطه سدوم ..
طلعت من الغرفة ووقفت عند الدرج وانا انادي بصوت عالي : فواااااااااااااااااااااااز فوووووووووووووووووواز ..
جاني صوته المزعج : خيـــــــــــــــــــــــــــر وش تبين ؟؟
قلت بأدب : تعال ابيك ..
فواز وصوته فقع اذني : الحين تبيني .. مو تقولين قبل شوي كش عليك ..
ميلت فمي .. والله هاذا اللي بيقلقنا ..
تركته ورجعت ثانية للغرفة .. وقفت عند راس سدووووووم وانا ميته ودي اقومها من النوم ..
الدبه ماتشبع نوم الحين الساعه ثنتين ..
بس صوت فواز وهو داخل الغرفة غير رايي ..
فواز : لو ما أمي حلفت علي ارقى اشوف وش تبين ؟؟ والا والله احلمي اشوفك بعد الكش اللي سويتيه لي ..
رنا : زين والله تطيع امك .. يعني فيك رجا ..
فواز وشكله عصب : على تبن وقولي وش تبين ؟؟
رنا : ابيك تنزل الشنط ( وانا أأشر على الثلاث شنط ) تحت وتحطهن عند باب الشارع ..
فواز : بتآخذين سدوم اليوم والا لسى ..
تكلمت بسرعه : لا لا بآخذها اليوم ..
قرب من عند الشنط وشال وحده : اووووووووووووف ثقيله حشى وش شايله فيها انتي ؟؟
رنا : ههههه شايله فيه حصى ... وش رايك يعني ؟؟ اكيد شايله فيها ملابس ..
فواز وهو يطلع وعلى كتفه الشنطه : والله انكم غثى يهالحريم ..
طلعت وراه ونزلنا سوى انا جلست في الصالة عند امي .. اما فواز راح يودي الشنطه ..
جلست اسولف معي سواليف ماتصلح لكم .. مشفره ..
الين اذن العصر .. لما صليت سمعت صوت سدومه وهي تنزل من الدرج وتنادي بصوت عالي : جدووووووووووووه .. جدووووووووه ..
وقفتلها في اول الصالة وفتحت ذراعي .. اول ماشافتني على طول ضحكت وجتني تركض وانا اقولها : ياهلاااااااااا ومرحبااااااااااااااا بالزين كله ... واااااااااااااااااااااااااااااااااااااااااي من بنتي الحلوة .. احلى وحده في العالم هي سدومه ..
ضميتها بأقوى ماعندي وجلست ادووووووووووووووور وادوووووووووور الين دخت ..
جلست على الكنبه وانا فرحانه ...
دخلت ناصر وهو يناظرنا مستغرب من صراخنا وضحكنا ..
ناصر : عسى ماشر وش فيكم ؟؟
رنا : سلم اول بعدين اسأل ؟؟
ناصر : السلام عليكم .. صراخكم وضحككم واصل للشارع سلامات ..؟؟
رنا : وعليكم السلام ..
قمت وصافحته : الله يسلمك مافيه شي بس سدومه الدبه توي اشوفها .. هذاي السالفة كلها ..
ناصر وهو يجلس : اخبارك ؟؟ علومك ؟؟ بشري عنك ..
ميلت فمي وانا مو معجبني سؤاله : حلوه هاذي تسأل عن اخباري وانت تدري اني مجبورة وماابغى ..
ناصر وهو متضايق : خلاص رنا .. وانتي ماتملين وانتي تعيدين بهالسالفة ..
قهرني : انزين وانت ليش تضايقت ؟؟
ناصر وهو يميل فمه : انا ماتضايقت ولا شي ..
قهرني زياده وهو ينكر : شوف ناصر دامكم غاصبيني اعرف اني مستحيل اعيش مرتاحه ..
ناصر : والله انك مشقيه نفسك على الفاضي .. يابنتي عيشي حياتك واستمتعي فيها .. ولاتفكرين بأمور خلاص انتهت وولت ..
جذبني كلامه : وش قصدك ؟؟
ناصر وهو متحمس لانه شافني اسمع له وانشديت لكلامه : يعني خلاص ارضي بالأمر الواقع وعيشي حياتك طبيعي .. انا ما أقولك لازم تحبينه .. لا .. انا اقول حاولي تتقبلينه وشوي وشوي ورب البيت راح تشوفين نفسك تأقلمتي مع الوضع وبالعكس راح يعجبك وضعك وفي ذيك اللحظه صدقيني مستحيل تتخلين عن حياتك معه ..
كلامه غامض ومافهمته .. او ان كلامه واضح بس انا ماتقبلته ..
فتحت له قلبي وتكلمت بصراحه بس بعد ماصرفت بنتي : ماما حبيبتي روحي كولي غداء شوفي جدوووه حاطته لك في الطاولة بسرعه ماما ..
رنا : شوف ناصر بكلمك بصراحه .. احمد ماعندي مشكله فيه .. المشكله في انه اخو مشعل هذا اللي ما أقدر اتقبله .. او احاول بس مجرد محاولة ..
ناصر : رنو حبيبتي خلاص نسي شي اسمه مشعل فكري بس في احمد ..
ضحكت بإستهزاء : انسى مشعل !!! وبهالبساطه تبغاني انساه .. من جدك تتكلم انت والا تمزح ..
شفت الجديه بعيون ناصر : ايه انسيه .. ليش ماتنسينه ؟؟ اصلا ماراح تعيشين حياتك الا اذا نسيت مشعل ..
رنا : حتى لو حاولت ونسيته سدومه بتذكرني فيه دايم ..
ناصر وشكله مل من : انتي الظاهر ميبسه راسك ومو راضيه تفهمين ..؟؟
تضايقت منه .. مو راضي يفهمني او يحس فيني : ناصر انت حسب الدعوه سهله .. ناصر هاذي مشاعر واحاسيس صعب الانسان يبرمجها على كيفه .. حب مرة شخص واعشقه حد الجنون .. وشوف وضعك لما تفقده .. وقسم بالله راح تجنن .. والجنان الصدقي انك تُجبر على حب شخص ثاني ..
ناصر وهو يوقف : والله الجنان الصدقي اللي اشوفه قدامي ( وهو يأشر علي )
راح وتركني ..
مالت على حظي ماعندي احد يفهمني ..
رحت للمطبخ واشوف سدومه تأكل في الأرض ياعمري شكل الاكل بارد ..
لان امي قالت لي سخنيه لما تقوم بنتك ..
شلت الاكل وسخنته بالمكيرويف ..
شلته وحطيتها فوق الطاولة وجلست واوكلها ..
سدومه : ماما خلاص اروح معك ..
رنا : ايه ماما خلاص .. بيجي عمو المغرب وبنروح جميع ..
سدومه : ماما بروح بيتنا الأول
تأففت وانا اقول : ايه حبيبتي .. بيتنا الأول ..
شوي وجت امي وجلست معنا الين اذن المغرب ..

احمد
بعد ماصليت المغرب دقيت عليها وانا واقف عند باب البيت ..
رن رن .. بعدين انقطع الخط ..
دقيت ثانية وثالثة .. بس محد رد ..
الرابعه ردت ..
جاني صوتها: هلا ..
رديت : هلا فيك .. وينك على الجوال ؟؟
رنا : الجوال كان فوق وانا كنت اصلي تحت ..
احمد : اوكي ماصار الا الخير .. اممممممم .. انتي جاهزه ..؟؟
رنا : ايه جاهزه .. بسسس ..
احمد : بس ايش ؟؟
رنا : لا مافيه شي .. ترى الشنط عند الباب انزل شلهن ..
احمد : اوكي افتحي الباب ..
رنا : دقايق انزل ..
احمد : اوكي ..
قفلت الخط من دون ماترد على الاوكي ..
تأففت وانا احس بضيق ..
شوي الا ينفتح الباب وتطلع منه بنت امورة ..
نزلت ومشيت لجهتها ..
احمد : سدومه حبيبتي .. يالله ضميني
وفتحت ذراعي ..
جتني تركض ضميتها بقوة وانا ابوسها واعضض خدودها وهي تصارخ : خلاص عموووو خلاااااااااص آآآآآآآآآآآآآآآآآآآآآآآآآآىىي ..
سمعت صوت من وراي : خل عنك البنت وتعال شل الشنط ...
التفتت عليها وكنت اتمنى انها كاشفه احس اني مشتاق لها .. بس انقهرت لما شفتها بعبايتها ..
نزلت سدومه وقربت لجهتها : سدومه بتروح معنا ؟؟
رنا : ايه بتروح .. ليش فيه شي مضايقك ؟؟
الله واكبر الحين تسأل .. فيه شي مضايقني ؟؟
احمد : لا ابدا .. اصلا خلاص سدوم لازم ترجع لبيتها ..
دخلت للبيت وشلت الشناط .. اما رنا شفتها تركب بنتها ورى وبعدين ركبت قدام ..
سكرت باب الفله .. وركبت اخر شنطه .. وركبت ..
أحمد : وشلونكم .؟؟
رنا : بخير ..
أحمد : وشلونك سدومي ؟؟
سدوم : طيبه ..
يازين البنات يانااااااااااااااااس .. ولا بعد تقول ( طيبه )

رنا
بعد ماصليت المغرب .. بسرعه رقيت فوق وبدلت لبنتي وانتبهت لجوالي اللي كان يدق ..
لما رديت كنت بقوله ان سدومه بتجي معي بس غيرت رايي ..
مو مفروض استأذنه بجية سدومه او دمها .. ففضلت اسكت واطلعها له واشوف ردة فعله ..
الحمد لله طلعت ردة فعل ايجايبه وتقبل الموضوع ..
كنا طول الطريق ساكتين .. وانا كنت حاطه يدي على قلبي خوفي يرجعنا للبيت وانا مالي خلق .. اولا احس بجوع لاني ماتغديت .. ثاني شي مالي خلق اشوف اهله وانا راقيه لغرفتي .. ثالث شي مالي خلق اقابله وجه لوجه الا لين ارتب وضعي واشوف وش راح ارسى عليه بعد الكلام اللي قاله لي ناصر ..
بعد ماطول السكوت بيننا وخصوصا احمد مو بالعاده لايكون جيه سدوم ضيقت خاطره ..
تكلمت ابي اشوف وش عنده ساكت ؟؟ : احمد ..
التفت علي وهو يبتسم : هلا والله ..
ارتحت لما شفت ابتسامته : بترجعنا للبيت ؟؟
احمد وهو يناظر الطريق : آمري تدللي وين تبين تروحين ؟؟
رنا : اممممممممم لا انا قصدي بس اسأل ؟؟
احمد : بس تسألين ؟؟ اهاااااااااااااااا ... وغيره ..
رنا : والله قصدي اسأل ..
أحمد : اوكي صدقتك .. بس وين تبين تروحين ؟؟
رنا : اممممممممم مدري انت ودني للي تبي ؟؟
احمد : خلاص بوديك للي انا أبي ؟؟ شي ثاني بعد ؟؟
رنا : سلامتك ..
احمد : الله يسلمك ..
بعد كلمته .. رجع السكوت يلف المكان ..

احمد
لما شفت سدوم طالعه من البيت قبل رنا .. عرفت انها راح ترجع معنا ..
الموضوع هذا ابداً ابداً ماضايقني .. حتى لما سألت رنا عشان أتأكد استغربت ردها اني متضايق من جيتها معنا ..
ان اللي ضيق صدري بجد .. تفكيري بسدومه ..
قاعد اسل نفسي ياترى بقدر اعوضها عن كل اللي شافته ؟؟
ياترى هل اقدر اصير لها الأبو قبل العم ؟؟
ياترى هل اقدر اتحمل مسؤوليتها ؟؟
ياترى هل اقدر ألبي كل اللي تحتاجه وترغب فيه والا راح احرمها بحكم ان مو من مصلحتها ؟؟ وراح تتقبل هي هالرفض والا بتقول انت عمي وبس مو ابوي ..
وهذا الشيء هو اللي مخوفني اكثر واكثر ..
الحين هي لسى صغيرة واقدر اضبطها لكن الخوف لما تكبر ..
ياخوفي ماتتقبل وجودي بحياتها وان امها أخذت عمها ..
بصراحه صار فكري مشوش من هالتفكير .. وكثرت مخاوفي على سدوم أكثر من رنا ..
بس رنا ابداً ماتجاهلتها بالتفكير .. لانها هي الراس الكبير والمدبر لكل شي .. وياخوفي منهم هالثنتين ..
حبيت اغير الموجه اللي عايشين فيها .. والسكوت اللي ذبح المكان ..
احمد : سدووووووم ..
سدوم بنعومه وادب : نعم ..
بسم الله عليها هالبنت .. ماشاء الله تبارك الرحمن .. هادية ومؤدبة مو زي الدبه بنت نورة ..
احمد : حبيبتي تبغين نروح الملاهي وتلعبين ..
سدومه وهي تضحك وشكلها فرحانه ..: ايه عموووو ابغى ابغى ..
شوي الا تقرب قدام وتكلم امها : ماما ماما ..
رنا من دون ماتلتفت : نعم ؟؟
سدوم : ماما .. عمو .. بيوديني الملاهي اروح ؟؟؟
ضحكت على برائتها : هههههههههههههههههههه الحين يالبكاشه توك تقولين خلاص بروح .. وبعدين تروحين تستأذنين من ماما ..
سدوم وهي مطنشتني .. وتكلم رنا بترجي : مـــــــــامـــــــــا .. قولي اروح ؟؟
رنا ببرود وودي اذبحها : خلاص روحي ..
سدوم وهي تجي لجهتي من ورى : خلاص عمو ماما تقول اروح ..
التفت على رنا اللي مو معنا ابداً : هاه رنا نروح الملاهي نلعبها ؟؟
ردت ببرود ذبحني : براحتك .. سوو اللي تبونه ..
رددت كلامها بتريقة ومو معجبني ردها : سوو اللي تبونه .. هذا اللي ربي قدرك عليه ..
طنشتني ولا ردت علي ..
رجعنا لنقطه الصفر .. آآآآآآآآآآآآآآآآخ بس كلما قلت تصلحت الأمور وبدينا نمشي صح .. اختربت من البداية ..
شكل حظي نحس ..
رجعت السكوت مرة ثانية .. الين وصلنا للملاهي المغلقة ..
وقفت السيارة وانا اقول : يالله سدومه وصلنا .. يالله عشان نلعب ..
التفت على رنا وقلت بصوت هاديء : يالله رنا انزلي ..
نزلنا جميع ومشينا الى صالة الألعاب ..
كنت اركب سدومه اللعبة واجلس بالكرسي اللي قبال اللعبة انا ورنا .. ومايمديني اقول كلمتين على بعضهم الا خلصت اللعبة ونروح نركبها ثانية وعلى هالحال الين أذن العشاء ..
كان ودي اتكلم معها .. ماعندي موضوع معين .. بس كان ودي اسمع صوتها حتى لو تخانقني والا تهاوشني ..
وقفت عند مسجد فيه مصلى نساء ..
وبعد الصلاة كنت مرة جوعان لاتغديت ولا أكلت شي .. الا اللهم القهوة اللي كأنها جمرة على معدتي بسبب الكلام اللي صار بين نورة ورنا ..
لما ركبنا السيارة ..
أحمد : رنا بنروح نتعشى وش رايك ؟؟
التفتت علي وشكله يبين انها جوعانه بدون ماتقول لانها حطت يدها على بطنها : ياليت والله .. لاني مرة جوعانه ..
أحمد : وانتي سدوم ؟؟
سدومه : ايه ابغى آكل ..
احمد : على أمركم .. نروح ونآكل الين نشبع ..

رنا
طول الطريق وانا افكر بكلام ناصر ..
يحسب الدعوه سهله اني انسى مشعل واتقبل احمد ..
صعب الموضوع علي .. بس بمجرد التفكير فيه .. فما بالكم لو انفذه ..
من جد احسه صعب ..
كان بالي ابد مو معي .. بس لما جاب طاري الأكل ماقدرت الأ اني ارد واحط يدي على بطني علامه الجوع ..
بعد ماتعشينا ..
رنا : كثر الله خيرك ..
أحمد : صحه وعافيه ..
رنا : على قلبك ..
قربت من سدومه وسمعتها مع اذنها ..
سدوم : الله يعافيك عموووووو ..
أحمد : بالعافية حبيبتي ..
لما حاسب وطلعنا ..
كنت كل اللي افكر فيه هو اني ماابغى ارجع للبيت ..
كان ودي اطول واقعد برى اكثر وقت ممكن .. بس خلاص الوقت تأخر .. لا مفر من مصيري ..
كنت طول الطريق وانا اتنهد ..
وبين كل تنهيده وتنهيده يلتفت علي احمد ويبتسم ..
كأنه حاس اللي فيني واللي افكر فيه ..
آخر شي قال : رنـــــــــــــــا اذكري الله .. وش فيك كل شوي وانتي تهفين علينا ترى متنا برد ..
ضحكت على كلامه لكن من داخلي ومابينت له ..
رنا : لا آله الا الله محمد رسول الله ..
احمد : كذا انت احلى وحده .. لو كل مرة بغيت تتنهدين فيها تذكرين الله كان ازين ..
ماحبيته يطول بالكلام لان مالي خلق فقفلت الموضوع وقلت : ان شاء الله ..

احمد
وصلنا للبيت على الساعه 10 ونص ..
احمد : انزلوا اول وبعدين انا ارقى الشنط ..
لما دخلنا البيت كان هادي جدا جدا ومافيه أي صوت ,,,
وحمدت ربي كثير ان رنا ماراح تصادف احد من اهلي .. لان مالي خلق ملاسن وترجيم حكي بينهم .. يكفي اليوم الظهر ..
على طول رنا من دون ماتناظر يمين وشمال رقت فوق ..
اما انا رقيت وراها عشان افتح لها الباب ..
فتحت لها الباب ونزلت ..
لقيت سدوم بنفس مكانها ماتحركت ..
قربت من عندها : سدومه وش فيك حبيبتي ؟؟
سدومه وكأنها مستغربه : ماما قالت بروح لبيتنا ..!!
استغربت كلامها : هاذا بيتك حبيبتي ..
هزت راسها بلا ..
قلت لها وانا أأكد كلامي : الا حبيبتي هاذا بيتنا ..
سدوم وهي تصرخ بوجهي : لا لا هذا مو بيتنا .. انا ماحب هذا ابي بيتنا ..
انصدمت من صرختها ومن كلامها .. معقوله رنا مفهمتها شي ثاني ..
حاولت اهديها عشان ماتنفعل اكثر : خلاص خلاص هذا مو بيتك .. طيب تبغين تروحين لماما ..
سدوم وهي تناظرني بعيون مفتوحه : ايوه ابغى ماما .. مابغى هذا ( وهي تأشر على البيت )
شلتها ورقيت فيها لفوق ..
حتى انتي ياسدومه ماتبغين هالبيت نفس امك ..
ماقلت لكم ان سدومه راح تتعبني كثير .. بس ماتوقعت هالتعب راح يبدى من الآن ...

رنا
حمدت ربي وشكرته كثيـــــــــــر .. لان الصالة كانت فاضيه .. على طول على شقتي ..
فتح لي احمد الباب ونزل ..
دخلت وفسخت عباتي وانسدحت على السرير احس بتعب فكري ..
من جد تعبت وانا افكر ..
شوي الا يدخل احمد وهو شايل سدومه ..
عدلت نفسي وجلست ..
سألت ببراءة : وش فيكم ؟؟!
ناظرني احمد نظرات تخوف وهو يأشر بعيونه على سدوم ..
على طول قمت وانا خايفة من نظراته : وش فيها سدوم ؟؟
نزلها من بين يدينها ومدها لي ..: أساليها وراح تجاوبك .. انا بروح اجيب الشناط وابجي ..
ضميتها لصدري بقوة وجلسنا على السرير ..
ناظرت في وجهها وانا أسألها : ماما وش فيك ؟؟
هزت راسها يعني مافيني شي ..
رجعت أسألها ثاني : اكيد ماما ؟؟
هزت راسها يعني اكيد ..
خليتها على السرير وقمت رحت لشنطتي ببدل وبنااااااااااااااام .. احس راسي يعورني من الدوران اللي درناه في السيارة ..
اخذت لي بجامه قطني واسعه لونها بني بخطوط من الأطراف لونه لحمي ..
قربت من سدوم اللي ماغيرت وضعيتها الى الآن : ماما بروح الحمام وارجع اوكي ..
هزت راسه يعني خلاص ..
مافكرت فيها كثير لانه مافيه مجال افكر .. لان لو فكرت شويه بس راح ينفجر راسي ..
تركتها وطلعت من الغرفة ..

احمد
حطيت الشنط في الصالة ودخلت غرفة النوم ..
شفت سدوم على السرير منسدحه : سدوم وين ماما ؟؟
سدوم : الحمام ..
أحمد : أه .. ممممم ..طيب تعالي بقولك شي ..
قامت وقربت عندي .. مسكت يدها وطلعنا من الغرفة ودخلتها الغرفة المقابلة ..
اشرت بيديني الثنتين وانا اقول : هاااااااااااااااااذي كلها غرفتك ..
طارت عيونها وهي تأشر على نفسها : غرفتي ؟؟
احمد : ايه غرفتك ..
سدوم : عموووو .. كبيرة ؟؟
احمد : لا مو كبيرة .. بكره املاها لك كلها العاب وماتصير كبيره ..
سدوم : وين انام ؟؟
احمد : بكره نروح انا وانتي وماما ونشتري لك سرير ودولاب وتسريحه عشان تمشطي شعرك فيها واشتري العااااااااااااااب كثيرة ..
شفت الفرحه بعيونها تلمع .. ضميتها بقوة وماقدرت امنع دموعي انها تنزل .. من زمان كنت انتظر هاذي اللحظة اللي استقر فيها ومعي بنت اخوي ..
سألتها وانا خايف من الإجابة : هاه سدوم بيتنا حلو ؟؟
ابتسمت وهي تقول : مره حلو .. ابغى اجلس هنا ..
تنهدت بإرتياح وانا اشوف الفرحه على وجهها ..

رنا
طلعت من الحمام ولما دخلت الغرفة مالقيت سدومه .. خفت وعلى طول طلعت للصالة ولما شفت الشنط عرفت ان احمد موجود وهو اللي آخذها ..
رجعت مرة ثانية للغرفة تعطرت ولميت شعري .. وعلى طول على السرير دخلت تحت البطانية وغمضت عيوني ..

احمد
طولت انا وسدومه نتكلم ..
استغربت وين رنا ؟؟ غريبه ماجت تشوف وين سدوم ؟؟
شلت سدومه ورحت لغرفة النوم ..
لما دخلت شفت الأخت الكريمة وشكلها نايمه .. قربت من عندها .. الا جد البنت نايمه ..
ناظرت في سدومه .. هذاي الحين وين بتنام فيه ..
صح اصلا اهلي وينهم فيه ؟؟
طلعت للصالة انا وسدوم عشان مانزعج رنا .. ودقيت على امي ..
احمد : هلا يمه ..
امي : هلا حبيبي ..
احمد : يمه وينكم ؟؟ البيت فاضي ..
:: رد: حكاية عشاق ( خاطره منسوجه بقصة ) ::
امي : انت بالبيت ؟؟
:: رد: حكاية عشاق ( خاطره منسوجه بقصة ) ::
احمد : ايه ومعي سدومه ..
أمي وباين من صوتها انها فرحانه : من جدك تتكلم والا تمزح ؟؟
احمد : لا والله ما أمزح .. خوذي كلميها اذا مو مصدقتني ..
مديت الجوال لسدومه : كلمي جده ..
امي : ..................
سدوم : مع عموووو ..
عرفت وش سألتها امي ؟؟ سألتها انتي من معه ؟؟
سحبت الجوال من سدوم : هاه يمه صدقتي ..؟؟
امي : ايه صدقت ..
احمد : انتم وينكم ؟؟ مافيه احد بالبيت ..
امي : لا مافيه .. حنا كلنا في المستشفى ..
تروعت وسألتها بسرعه : وشفيكم ؟؟ عسى ماشر ..
أمي : لاتخاف ياوليدي مافينا شي .. بس تعبت نورة شوي وحسبنا بها الولاده .. بس الحمد لله مابها الا العافية ..
ارتحت شوي .. وسألتها : متى بتجون ؟؟
أمي : شوي وطالعين بس نشوف نتيجه الأشعه ..
أحمد : أنزين أجل لا تتأخرون .. وقولي لبندر يركد بالسواقة .. لايسرع ..
أمي : ان شاء الله ياوليدي .. مع السلامه ..
أحمد : مع السلامه ..

رنا
قمت من النوم مفزوعه ..
ابعدت الغطاء عن وجهي وجلست ..
تعوذت من الشيطان وقريت المعوذات وانا ألهث وأمسح العرق من جبيني ..
تسندت على ورى وغمضت عيوني وانا مرعوبه وخايفة ..
مرت خمس دقايق وانا على هالحال .. الين غفيت بدون ما أحس ..

أحمد
الحين وين تنام سدومه ؟؟
جلست افكر وافكر .. المشكله مقدر اقوم رنا عشان بس أسئلها وين تنام سدومه ؟؟
امممممممممممم ..
شكلي بنومها جنبي بالسرير مافيه الا هالحل ..
والله شكله هذا اللي بيصير ..
أحمد : سدوم ؟؟
سديم : نعم ..
أحمد : نروح ننام ..
سديم : انت بتنام ؟؟
أحمد : ايه .. وانتي ؟؟
سديم : ابي أنام ..
أحمد : يالله اجل ..
حملتها بين يديني ودخلنا الغرفة .. حطيتها على السرير : سدوم يالله انسدحي ولا تزعجين ماما اوكي .. انا بروح اغير ملابسي واجي انام ..
هزت راسها يعني خلاص ..
خذت بجامتي وطلعت من الغرفة ..
دخلت الحمام وبدلت ملابسي وفرشت اسناني ..
اول مادخلت الغرفة صوبت عيوني على سدوم بشوف وش تسوي ؟؟
لقيتها نايمه .. ياحياتي على هالبنت .. حتى وهي نايمه تجنن ..
وقفت عند التسريحه .. تعطرت ..وقعدت اناظر شكلي في المرايه ..
معقوله الى الآن رنا ماهي متقلبتني ؟؟
ياربي انا وش فيني علشلن تعاديني هالمعاداة ؟؟
ماأقول الا الله يصبرني ويثبتني عليك يارنا ؟؟
مشيت لعند السرير .. ابعدت سدومه شوي وحطيتها في النص ..
انسدحت وقلبت جنبي على اليمين .. جهة رنا ..
وجلست اناظرها وهي نايمه ..
شكلها غريب نايمه وهي مسنده ظهرها .. ملامحها معفوسه .. ومكتفه يدينها .. بالله هاذا شكل وحده نايمه .. كأنها صاحيه ..
طولت وانا اناظر فيها .. الين غلبني النووووووم .. ونمت ...

رنا
للمرة الثانية اقوم مفزوعه ..
تعوذت من الشيطان بصوت هادي .. لاني شفت سدومه جنبي ..
استغربت وجودها .. بعدين تذكرت ان مافيه مكان تنام فيه ..
ناظرت في سدوم بعدين في أحمد ..
بس على طول شلت عيني مالي خلق اطالع في وجهه ..
ابعدت الغطاء عن جسمي وقمت من على السرير .. فتحت باب الغرفة وطلعت وقبل لا أطلع طفيت النور وسكرت الباب ..
طلعت مع باب الجناح وسكرته ..
جلست في الصالة على كرسي فردي ومددت رجليني على طاولة القهوة اللي قدامي ..

أحمد
حسيت بحركتها على السرير ..
فتحت عيوني شفتها تبعد الغطاء عن جسمها وطلعت بعد ماطفت النور وسكرت الباب ..
لحقتها على طول فتحت الباب وطلعت ..
حتى باب الجناح مسكرته .. وش عندها هالبنت ؟؟
فتحت باب الجناح شوي شوي ..
طلعت راسي بشوف وين هي فيه ؟؟ لاني ماأبغاها تشوفني..
شفتها جالسه على الكنبة وممدده رجلينها وشكلها سرحانه وماهي داريه عن هوى داري ..
طلعت وتسندت على اطار الباب وجلست اطالعها ..
شكلها مرة يحزن ..
شوي شوي الا اشوف ملامحها تتغير ..
شفتها تعبس وتتأفف ..
سندت راسها على ورى وبدت تغني ..
ماكان صوتها حلو مرة مرة .. بس كان مؤثر لدرجه خياليه ..
رحل من هو يسليني ..
وصار اليوم في قبره ..
رحل عني وفارقني ..
حزين صرت في حسرة ..
ذكرته يوم يحكيني ..
وهالبسمات من ثغره ..
ذكرته يوم يواسيني ..
اذا ماهلت العبرة ..
ذكرته يوم يشكي لي ..
عن هموما ملت صدره ..
ذكرته وهلت دموعي ..
وصار الفكر في أسره ..
حبيبك راح ياقلبي ..
ولا حتى تشم عطره ..
وظلك مات ياظلي ..
سكن وياك في قبره ..
هلا وينك ؟؟ تسولف لي ..
تحت انوار هالقمره ..
وتنشدني عن اخباري ؟؟
ترى عقبك غدت مّره
هلا ياغايب عني
ترى قلبي فقد صبره
ولكن الأمل عندي
لقاك بجنة نظره ..
آلا منصور ياغالي
فقدك الكون من كبره
عساه بخلد ياربي ..
ويشرب عدن من نهره ..
كانت تنشد عن مشعل ودموعها تنزل بغزارة .. حتى انا وربي دمعت عيوني .. ترى حتى هو أخوي ..
بعد ماخلصت انفجرت تصيح وهي تصرخ بأسم مشعل ..
غطت وجهها بيدينها وبدت تصيح بصوت عالي وتشاهق ..
ياويلي عليك يارنا ..
من جد حزنت عليها ..
شكلها مره ينرحم ..
قربت من عندها بعد مامسحت دموعي ..
وانا خايف من فكرة انها تصدني .. او تعصب علي وتبعدني عنها ..
كنت امشي لجهتها وانا اقرب رجل وابعد الثانية ..
بس آخر شي صرت واثق من المشية .. حسيت اني لازم اواسيها واهديها .. هي محتاجه هالشي من أحد وخصوصا مني ..
وقفت قبالها وابعدت يدينها عن وجهها بيدين مرتجفه لان الخوف رجع لي ثانية ..
ناظرت في عيونها الغرقانه دموع .. وهي بعد ناظرتني ..
لكني اللي ماتخيلته ولاجى على بالي .. وش بعد هالنظرات اللي بيننا واللي استمرت تقريبا لثواني معدودة ..

مہزآجہي صہعےب · 17 - 01 - 2012, 11:11 AM

رنا
كنت حزينه ومشتته وضايعه ..
لكني لما غنيت عن مشعل واني قد ايش انا فاقدته .. حسيت بالضياع الحقيقي ..
لما صحت وشاهقت ماكان يهمني أي شي ..
الشي الوحيد اللي دورته من هالدموع هو الراحه .. لكني ماتوقعت انها راح تزيدني الم في آلامي ..
ومن بين دموعي وشهقاتي ..
حسيت بيدين دافيه تضم يديني وتبعدهن عن وجهي ..
التقت عيوني بعيونه ..
مدري انا شفت دموعه والا كان يتهيأ لي ..
كان حزين مثلي .. ويداته ترتجف مثلي ..
يعني هو نفس حالتي ويمكن اردى .. بصراحه حزنت عليه وعلى نفسي ..
حزنت على حالنا اللي ماقدرنا نعيشه زي الخلق والعالم ..
في هالحظه بس قررت اتقبله ..
قررت اعطيه فرصه ..
قررت وياكثر القررات اللي اتخذتها مجرد ماشفت حزنه ..
بدون شعور مني تخيلت اللي قدامي مشعل .. لكني اخفيت هالشعور ومسحته من بالي ..
خلاص مشعل راح واللي قدامي احمد ..
وقفت وضميته بأقوى ماعندي .. وانا اصيح واشاهق وبين كل شهقه وشهقه كنت اقول : لاتتركني يا أحمد مثل ماتركني مشعل .. لاتتركني يا أحمد مثل ماتركني مشعل ..

أحمد
ضميتها بأقوى ماعندى .. وتوقعت ضلوعي تكسرت من قوة الضمه ..
مايهم ضلوعي المهم انها ضمتني .. يعني تبيني ..
الا رنا تبيني .. لو ماتبيني كان ماحضنتني ..
يالله قد ايش انا سعيد وفرحان .. خلاص يارنا اوعدك اني ماأتخلى عنك ابدا ابدا ..
جلست وجلستها جنبي وانا الى الآن حاضنها .. مابي افكها ..
اخاف ماتحصل لي حضنه غيرها ..
ابي اشبع .. ايه ابي اشبع منها .. ابي احس اني عايش معها ..
ابي احس انها تبيني والا كان ماضمتني ..
كنت امسح على شعرها وألعب فيه .. ومافيه احد قدي فرحااااان ومبسوط على الآخر ..
حسيت بحركتها تبعد راسها عن صدري ..
تصدقون ضاق خلقي .. يعني خلاص رنا بترجع زي اول ..
وهذا اللي صار كله حلم وانتهى ..
غمضت عيوني وانا آخذ نفس وأحاول اضبط نفسي ..
لكني تفاجأت لما سندت راسها على كتفي وهي تناظر في عيوني ..
كنت متفاجأ من حركتها وياكثر ماتفاجأت اليوم ..
وصرت اطالعها بعيون فرحانه وعلى وجهي ابتسامة فرح ..
رنا وصوتها مخنوق : أحمد ؟؟!
جاوبتها بنفس نبرتها : عيون أحمد وقلبه وروحه ..
رنا : ابي اتكلم معك ..
أحمد : قولي .. تكلمي .. اسمعك .. طلعي كل اللي في خاطرك ..
رنا : أحمد أنا ..
وسكتت ..
خليتها على راحتها .. ماحبيت اضغط عليها بالكلام .. متى مابغت تتكلم راح تتكلم ..
سكت وقعدت اناظر في عيونها .. وابشوف هي بتتكلم او لا ..
لكنها طولت وهي ساكته ..

رنا
احس نفسي مشتته .. ضايعه .. ماني قادره احدد وش ابي ؟؟
كنت بتكلم معه .. بس وش ابقول ؟؟
تحيرت وضاع مني الكلام ..
لكن لازم نتكلم مابيننا .. ونتكلم كثير بعد ..
ناظرت في عيونه اللي مانزلهن ..
حاولت اجمع كلام .. : أحمد ..
رد أحمد بهدوء وهو يبتسم : عيون أحمد ..
ارخيت عيوني بحزن : احمد انا ودي اتكلم معك بس ماني عارفه من وين ابدأ ؟؟
مسح على شعري بحنان وهو يقول : أبدي مثل ماتحبين .. تكلمي قولي اللي تبين .. حتى لو تبين تقولين نكته ..
رفعت عيوني وانا مبتسمه .. يستهبل ذا ؟؟
على باله بيلطف الجو ..
ابتسم لما شافني ابتسمت : عجبتك النكته اللي قلتها ؟؟ صح ؟؟
طيرت له حواجبي .. من جد سخيف ..مسوي ينكت حضرته ..
ارخيت عيوني مرة ثانية ..
ظليت ساكته لثواني وهو الى الآن يمسح على شعري اللي احسه تقطع من كثر مايلمسه ..
تكلمت وانا مرخيه عيوني : وش رايك انت اللي تتكلم أول ؟؟

أحمد
تسهبل هاذي الحين لأنتف لها شعرها ..
ابي اتكلم وابي اقول وابي أحكي وآخر شي تقول لي : وش رايك انت اللي تتكلم ؟؟
ميلت فمي بضيق .. ساعه وانا انتظر ابيها تتكلم وآخر شي ترد علي هالرد ..
صدق مالها خاتمه هالبنت ..
جاريتها وتكلمت وانا ودي اخنقها بيديني الثنتين : اممممممم .. وش تبين احكيه لك .. تبين شي شخصي ؟؟ شي عملي ؟؟ شي فكاهي ؟؟ آمري تدللي ..
ناظرت في عيوني .. وفي عيونها آلالاف الأسئلة ..
لكنها أختارت السؤال الصعب اللي ما أقدر أجاوبها عليه ..
رنا وفي عيونها اصرار غريب تبي إجابة لسؤالها : أنت ليش تزوجتني ؟؟
شفت لمعة بعيونها وشي غريب ماعرفته ..
صديت بعيوني عن عيونها .. وحاولت اضبط نفسي بس ماقدرت ..

رنا
لاحظت صدت عيونه .. ولاحظت ارتباكه وخوفه ..
لاحظت كل شي قدرت آلاحظه ..
حيرني بصراحه .. اذا هو فعلا يحبني ويحب سدومه وتزوجني عشان هالسبب ليش مايقول ؟؟
والا فيه سبب ثاني خلاه يتزوجني ..
ياربي ليش هو مايجاوبني .. ؟؟
ليش مايريحني ويكلمني ويصارحني بالحقيقه ؟؟
ليـــــــــــــــــش ؟؟
بلعت ريقي بصعوبه .. لاني خايفة من الأجابه .. اللي اتوقع انه مستحيل يقولها ..
لاتقولون موسوسه .. لا ..
انا حاسه ان أحمد تزوجني لسبب معين .. حتى لو كان هالسبب ان سدوم تتربى بين أهل ابوها ..
لو قال ان هذا السبب .. راح اصدقه ..
لكن يقول لي تزوجتك عشان احبك واموت فيك .. هذا اللي مستحيل اصدقه .. او يدخل مزاجي ..

احمد
ليش مو مصدقه اللي اقولها ؟؟
ليش تنبش في اشياء مالها مصلحه انها تعرفها ؟؟
ليش مو حاسه في مشاعري واني احبها.. وابيها هي وسدوم يكونون في حياتي ؟؟
ليش دايم الحظ معادني فيها ؟؟ ليش مايعتدل لو مرة بس ؟؟
بس لازم انا اللي اضبط الوضع واتكلم ..
لازم اعلمها وافهمها بكل شي تبي تعرفه ..
لازم اخليها بالصورة .. عشان تعدل معاملتها معي ..
رجعت اناظر في عيونها : رنا لو قلت ليش انا تزوجتك بتصدقيني ؟؟
شفت الجديه بعيونها : راح اصدقك اذا كنت صادق .. وهالشيء راح يوضح في عيونك ..
ناظرتها بحزن وانا ودي افتح قلبي واقدمه لها عشان تصدق اللي اقوله : رنا انا احبك .. وتزوجتك لاني احبك .. وحبيت اربي سدوم لاني احبك .. وكل شي اسويه لاني احبك ..

رنا
شفت عيونه الحزينه وهو يتكلم .. وشفته وهو يقول احبك واحبك واحبك .. شفت جزء صادق فيه .. لكن الاكثر ماصدقته ..
:: رد: حكاية عشاق ( خاطره منسوجه بقصة ) ::
سكت بعد جملته الأخيره وصد بعيونه وابعد كتفه عن راسي ..
غطى وجهه بيداته وثبت كوع يدينه على فخذيه ..
بلعت ريقي وندمت اني سألته ..
يمكن هو منقهر لاني ماأصدقه .. باين عليه ..
بس انا مو مجبوره اني اصدقه ..
رطبت شفايفي بلساني وتكلمت : أحمد .. أنا ابي اقولك شي بس خايفه ..
ابعد يدينه عن وجهه وناظر فيني : قولي .. ليش تخافين ؟؟
رنا : خايفه لان شكلك مايحمسني اقول ..
ابتسم بعفويه وقربني لكتفه وباس جبيني ..
مسح على شعري وهو يقول : قولي .. وانا كلي آذان صاغيه ..
نزلت دمعه من عيوني .. على طول مسحها أحمد قبل لاتنزل ..
أحمد : ليش يارنا ؟؟ ليش الدموع ؟؟ خلاص يارنا .. تكفين ارحميني وارحمي نفسك .. قولي ولاتخافين من أي شي ..
تكلمت بسرعه وبدون تفكير .. بس كان لازم اقول هالكلام ..
رنا : اوعدني انك ماتتخلى عني ولاتفارقني طول ما أنا عايشه على وجه الأرض ..

أحمد
لما قالت اوعدني ..
بدون ماتكمل او أعرف وش هو الوعد ؟؟
انا راح اوعدها واحلف اني ما أخلف وعدها طول ماأنا حي ..
لكنها صدمتني لما قالت طول ما أنا عايشه ..
ههههههههه .. من جد ضحكتني ..
ضميتها لصدري بقوة وانا اصرخ بأذني بقوة عشان أخليها تصدق : اووووووووووووووووووووووعـــــــــــــــــــــــدكـ ــــــــــــــــــ
اوعدك يارنا .. وجعل يومي قبل يومك ..
دفتني بقوة وابعدتني وهي تصرخ بوجهي : شفت شفت انك مو قد الوعد ..
وانفجرت تصيــــــــــــــح بقوة ..
خفت عليها .. ليش انا وش سويت عشان تثووووووووور علي كذا ؟؟
تنهدت بقوة وانا أحاول اضبط نفسي لألفها بطراااااااااااااااااااااااق عشان تصحى من هالصياح اللي لجتني فيه ..
مسكتها مع اكتافها وهزيتها بقوة .. حاولت اني اخليها توقف صياح ..
كلمتها بصوت اعلى من صياحها : رنـــــــــــــا .. اصحى يارنـــــــــــــا .. اصحي من غيبوبتك .. تكفين يارنا تكفين .. تعبت والله تعبت .. افهميني او على الأقل حاولي ..
وقفت صياح وقعدت تناظرني ودموعها الى الآن على خدها ..
تكلمت بصوت مخنوق : وشلون تقول جعل يومك قبل يومي ؟؟ ليش تبي تموت قبلي ؟؟ ليش تبيني اتعذب على فراقك .. مثل ماتعذبت بفراق مشعل ..؟؟ انا قلت اوعدني .. اذا انت مو قد الوعد لاتوعد ..
سندت راسي للوارء بقوة وانا ازفر بقوة ..
حسيت بدفى على يدي ..
ناظرت يدي .. شفت رنا حاطه يدها على يدي ..
ماتحملت اشوفها منهارة واجلس اتفرج عليها ..
مديت يدي وانا نفس حركتي وحطيت راسها على صدري ..
أحمد : اوعدك يارنا اني ماتخلى عنك ولاافارقك طول ماانتي عايشه .. راضيه كذا ..
تكلمت وهي تمسح دموعها وهي الآن على صدري : مو مهم انا راضيه او لا .. المهم انت راضي عن الوعد ..
أحمد : لو انا مو راضي كان ماوعدتك .. اوعدك يارنا ووعد الحر دين ..
رفعت راسها عن صدري وهي تبتسم ..
حسيت عندها شي ثاني غير الوعد ..
فتكلمت بدالها عشان اشجعها تتكلم بسرعه لان مالي خلق تقول كلمة وتسكت زي ماسوت قبل شوي : اكيد فيه شي ثاني بعد ... يالله بسرعه قوليه ..
واستعجلتها عشان تتلعثم وتتكلم اسرع : بسرعه .. يالله يالله قولي .. رنا .. تكلمي ..

رنا
لما شفته يتكلم بسرعه .. حبيت اسكتها واقول اللي عندي بسرعه قبل لايفقع راسي بهذرته الزايده ..
رنا : خلاص اسكت عشان اعرف اقول وش عندي ؟؟
أحمد وهو يحط يداته ورى راسه : يالله قولي .. هذاني سكتت ..
شبكت يديني ببعضهن : امممممممممممممممممممممممم .. احلف بالله العظيم انك ماراح تتخلى عني ..
عدلت احمد جلسته وهو يتأفف .. ادري زهق مني .. بس انا عندي عذري .. انا خايفة اعيش التجربه مرة ثانية ..
احمد وهو شكله مفووووووووول على الأخير : والله العظيم رب العرش الكريم اني ما اتخلى عنك ابدا ابدا .. خلاص ..
ابتسم برضى .. دامه حلف بالله العظيم خلاص انا صدقته ..
الحين ارتحت .. واقدر امارس حياتي طبيعيه .. الحين بس ريحت راسي .. واقدر اتقبل أحمد .. وآخذ وأعطي معه طبيعي ..
اخذت نفس عميـــــــــق ومريح ..

احمد
استانست لاني خلصت من سوالفها النايمه اللي زي وجهها ..
شفتها تآخذ نفس عميق وتزفره براحه باينه على ملامحها ..
شفتها ترفع يداتها لفوق وكأنها تتمغط ..
بعدين شفتها توقف : بروح انام .. حاسه اني تعبانه مرة مرة .. تبغى شي ..؟؟
ناظرتها من فوق لتحت وانا ودي اقوم وازنطها من حلقها ..
الحين عقب التعب والصياح والوعد والحلفان بكل بساطه تقعد تتمغط وبعدين تقول ابي انام والله حاسه اني تعبانه ..
ناظرتها ببرود : تصبحين على خير ..
ناظرتني وابتسامتها شاقه حلقها : وانت بخير ..
وراحت عني .. دخلت الجناح وسكرته من زين الوجه بعد ..
يعني لا تلحقني .. هين يارنو .. هاذي آخرتها ..
بصراحه عصبتني حركتها .. خذت اللي تبي بعدين تركتني .. وياخوفي يكون هذا شغلها في باقي الأيام ..
الله يستر ..
شلت رنا من بالي ونزلت تحت بشوف اهلي جو او لا ..

رنا
بعد ماتركته ودخلت أنام ..
شفت سدومه في نص السرير ..
هههههههههههه ..ضحكت عليها هالبنت تدنن حتى وهي نايمه ..
انسدحت جنبها وضميتها لصدري ..
ياربي على هالبنت بتجنني .. البنات اجمل الكائنات ..
ضميتها اقوى اقوى وانا ابوس فيها بأقوى ماعندي ..
بس لما حسيت انها تحركت وشكلها بتقوم .. تركتها ونمت جنبها ..
دقايق بس الا ينفتح الباب ويتشغل النور ..
رنا : طف النور ..
احمد وهو جاي لجهة السرير : مانمتي الى الآن ؟؟
رنا : لسى .. ليش ؟؟!
أحمد : لااااا .. بس توقعت اول مادخلتي نمتي ..
رنا : أهاااااااا .. انزين ليش شغلت النور ؟؟ ماراح تنام ..
أحمد وهو ينط على السرير ويمسك يد سدوم : امي تبي سدومه ..
طيرت عيوني وانا مو فاهمته : متى تبيها ؟؟
أحمد والموضوع عنده طبيعي : الحين تبيها .. تقول مشتاقه لها مووووت ..
طلعت عيوني من كثر ماني مطيرتها : احمد من جدك تتكلم والا تمزح ؟؟ عاد الحين تبيها ؟؟
أحمد : انتي وش فيك ؟؟ الحين والحين .. ايه تبيها الحين ..
رفع ضغطي قاعد يتكلم ببرود قاتل ..
رديت عليه بنفس بروده : بس البنت نايمه .. واذا قامت راح انزلها لأمك ..
أحمد وكأنه يتقلب بالفريزر من بروده : بس امي تقول ابغاها الحين ..
بنفس البرود ويمكن اثلج : وخلاص يعني قالت ابغاها .. يعني تقوم البنت ..
أحمد : انت ليش مطوله السالفه وهي قصيره ؟؟
لهنا وبس ماقدرت اتحمل ..
رفعت صوتي وانا احاول اهدى بس ماقدرت : شوف احمد .. امك امي جدتي .. اللي تكون .. ماراح اخليك تقوم البنت عشان بس تسلم على أحد ..

أحمد
باين عليها العصبية .. بس انا مو فاهم ليش ؟؟؟
حاولت اكون اهدى منها : وليش ماتقومين البنت عشان تسلم على امي ؟؟
حسيتها ولعت زياده : حط نفسك مكانها ويجي احد يقومك من عز نومك وشوف وش بتسوي ؟؟
:: رد: حكاية عشاق ( خاطره منسوجه بقصة ) ::
حسيتها طولت بالحكي : اقول عاد يالله قومي البنت وخليها تنزل لأمي ..
ارتفع ضغطها وحمر وجهها : واذا ماقومتها وش بتسوي حضرة زمانك ؟؟
تكلمت ببرود وانا اشيل سدوم بين يديني : مراح اسوي شي .. بس بشيلها وانزلها لأمي ..
شلتها وهي تناظرني بعيون قويه وباين عليها العصبية ..
ولما وصلت الباب .. قالت :.........

رنا
بالله عليكم هذا انسان صاحي والا مجنون ؟؟
تكفون احد يرد علي ..
فيه احد يقوم بزر عشان تسلم ..
ياربي عطني الصبر يارب ..
وعطني البرود اللي عنده وزياده على اللي عنده بعد ..
لما شالها بين يدينه .. كأن احد صافقني على وجهي .. من جد انصدمت من حركته وماتوقعته يسويها ..
لكنه لما وصل للباب قلت وانا بمووووووووووووت من القهر على بنتي ..
تكلمت بهدوء عشان يقدر يسمعني : أحمد نزل البنت وخلها تسلم على أمك .. لكن لما ترجع عطني بنتي .. اما انت لاتفكر انك تكلمني او تنام جنبي .. وأفضل بعد انك تنام جنب امك ياالنووووووووووونو ..
شفته يلف لجهتي وهو مبتسم : رنووو .. تدرين عاد انا حتى ماودي اقومه وكاسره خاطري .. بس عناد فيك وعلى اللي قلتيه راح انزلها واخليها تسلم .. اما النومه جنبك لاتمنين علينا فيها لاني ماأبيها ..
طلع وهو يصفع الباب وراه ..
ابد ما اتقهرت ولا أرتفع ضغطي ولا ضاق خلقي من اللي قاله .. تدرون ليه ؟؟
لانه ماقال هالكلام الا لأنه محتر من اللي قلته ويبي يبرد خاطره بهالكلام ..
بس تدرون عاد ..
احمد عنده مشكله ..
مشكلته انه ماعرفني زين واني اسوي اللي ابيه .. لانه مايهمني ولايهمني عشرة من اشكاله .. وبتشوفون وش راح اسوي فيه ؟؟

احمد
قهرتني بكلمتها لما قالت لاتكلمني ولا تنام جنبي ..
اللي يشوفني الحين اربع وعشرين ساعه مغير اسولف معها .. والا نايم معها نومه سنعه زي الخلق والعالم ..
كنت واصل حدي بعد ماسمعت كلامها ..
ورديت عليها ببرود لكني من جوا كنت أغلي وأغلي ..: رنووو .. تدرين عاد انا حتى ماودي اقومه وكاسره خاطري .. بس عناد فيك وعلى اللي قلتيه راح انزلها واخليها تسلم .. اما النومه جنبك لاتمنين علينا فيها لاني ماأبيها ..
قلت هالكلام كذا بس ماكنت اقصد فيه أي شي .. الا تفريغ شحنه القهر لا اقل ولا أكثر ..
وما أتوقع رنا تآخذ ردة فعل عكسية من اللي قلته ..
حاولت اتناساها لاني وصلت لأمي ومعي سدوم بين يديني نايمه ..
قلت وانا اجلس جنب امي بالصالة : وهاذي سدوم ..
شالتها امي وهي تقول : ياعمري عمرها نايمه .. ياوليدي وراك ماخليتها تنام بفراشها .. ليش تنزلها دام نايمه ..؟؟
رفعت حاجبي وانا اشوف كلام امي المتناقض : بس انتي اللي قلت لي جبها حتى لو هي نايمه .. ؟؟
أمي : ايه قلت لك بس ماصدقت انها نايمه من جد ..
ارتفع ضغطي من الحركه اللي سوتها امي : يعني انا اكذب عليك ..
أمي : لا ياوليدي مو قصدي كذا .. بسسسسس ..
وسكتت ..
فهمت قصد امي : قصدك يمكن رنا ترفض تخليها تنزل ..
ردت امي بسرعه : ايه .. خفت انها تعيي تنزلها لنا ..
ميلت فمي وانا مفوووووووووووووور من القهر : وانا وش خانتي ان شاء الله ؟؟ ديكور .. ؟؟ علشان رنا تمشي كلامها علي .. والا تبين بس تختبريني يايمه ..
تغيرت ملامح امي وبان عليها الضيق : ياوليدي والله ماقصدت هالكلام .. بس اني خفت رنا عقب ما اخذتها تلحس مخك وتغيرك علينا ..
احس عظامي كلها ارتخت ومالي خلق لأي شي : يمه الله يهديك .. انا مستحيل ألف حرمه تغيرني عليكم .. لاتخافين ولا تحاتين ..
شلت سدوم النايمه ورقيت فيها لفوق .. قبل لا أسمع رد من أمي ..
دخلت الشقة وقفلتها ..
فتحت باب الجناح لقيته مقفل ..
ابتسمت على حظي النايم ..
انا الاقيها من امي والا من رنا ..
اللهم طولك ياروح .. نزلت سدوم على الكنبه ..
روجعت لباب الجناح ..
دقيت الباب مرة ثنتين ثلاث وانا أناديها : رنا .. رنووووووووو .. رنـــــــــــــا .. يارنا تعوذي من ابليس وافتحي .. رنوووووووو ..
ولاكأني انادي احد ..
الظاهر لو انادي الجدار كان رد علي ..
رجعت للصالة وجلست على الكنبه ..
حسيت اني بزر صغير معاقبته امه ..
بصراحه شكلي مره يحزن ويكسر الخاطر ..
انتظرت وانتظرت الين ربي يفرجها ..
سمعت آذان الفجر ..
وبعدها بعشر دقايق سمعت قفل الباب ..
على طول قمت وفتحت الباب وانا ناوي على شر ..

نهاية الجزء الواحد و العشرون

مہزآجہي صہعےب · 17 - 01 - 2012, 11:12 AM

الجزء الثاني والعشرون ..

رنا
اول مافتحت قفل الباب رجعت للسرير انسدحت غطيت راسي بالغطاء لكني اقدر اناظره اذا دخل ..
انفتح الباب ودخل ..
وقف عند الباب فترة وهو يناظر السرير ..
وانا اناظره من دون مايدري ..
شفته يدخل ويآخذ ثوبه من معلاق الملابس ويطلع ..
انتظرت خمس دقايق بعدين قمت ..
طلعت للصالة ..
لقيت سدومه على الكنبه ..
شلتها وحطيتها على السرير ..
رحت للحمام وانتوا بكرامه عشان اتوضى ..
لما دخلت لقيت بجامته معلقه ..
ضحكت بداخلي وانا مبسوطه .. قدرت اقهره ..
صليت ورجعت للسرير لكني هالمرة ضميت بنتي لجنبي وغمضت عيوني وانا مستعده للنوم .. واتمنى انام قبل لايجي ..

أحمد
رجعت من الصلاة وانا احس نفسيتي تعدلت شوي ..
احس اني احسن من قبل ..
دخلت البيت ولما مريت على الصالة .. لقيت نورة طالعه من المطبخ ..
أحمد : سلامات نورة .. وش فيك ؟؟
نورة وهي تمسك بطنها : ابد الله يسلمك .. حسيت بوجع وتوقعتها الولده ..
أحمد : اذا ميب ولده .. اجل وش صارت ؟؟
نورة : مدري عنهم .. سوو اشعه قالوا كل شي طبيعي ..
أحمد : الحمد لله على كل حال .. الله يقومك بالسلامه وتجيبين ولي العهد ..
نورة وباين عليها التعب : الله يسلمك ياخوي .. وانت بعد الله يرزقك بالعيال ..
أحمد : اللهم آمين .. تبين شي قبل لا أرقى ..
نورة وهي تروح للصالة وتجلس : لا .. روح نم .. تصبح على خير ..
احمد : وانتي من اهله ..
رقيت الدرج وانا اضحك على نورة يوم تقول : وانت بعد الله يرزقك بالعيال ..
ضحكتني بجد .. ان شاء الله .. الله بيرزقني بس عندي وحده عنيده قال ايش قالت ماتبي عيال مني ..
مالت على وجهها فيه احد مايتمنى يجيب عيال مني ..او اكون زوج لها ..
شكلها ماتستاهل هالنعمه اللي رزقها ربي ..
مصيرها تعرف بس بعد فوات الآوان ..
فتحت باب الشقه ودخلت بعد ماقفلتها ..
وقفت عند باب الجناح اللي كان مسكر .. التفت بشوف سدوم .. مالقيتها اكيد شالتها ..
فتحت الباب ودخلت .. لقيت باب الغرفة مفتوح وقبل لا أدخل تذكرت ان بجامتي بالحمام وانتوا بكرامه ..
بدلت على السريع .. ودخلت الغرفة وبيدي ثوبي ..
علقته على المعلاق وانسدحت على السرير ..
في البداية ماكانت نيتي انام جنبها عقب الكلام اللي قالته ..
بس بعدين قلت وش اللي يخليني احرم نفسي من النومه المريحه على السرير واروح انام على كنبه تكسر ظهري ..؟؟؟
فققرت انام على السرير .. واذا هي بنت امها تتكلم وتقول قم مابي انام جنبك ..
اذا ماتبيني جنبها تقوم هي .. مو انا ..
نمت على جنبي اليمين مقابل وجهها ..
كانت مغمضة عيونها بس ماادري هي نايمه او لا ..
جلست اتأمل في ملامحها ..
اناظر سدوم بعدين اناظرها ..
عرفت سر جاذبية سدوم .. كله من امها ..
مآخذه من امها كثيـــــــــــر ..
والله أكثر شي ماخذته .. البياض والشعر الطويل ..
على اني منقهر منها الا اني مامنعت نفسي اني اتأمل براءتها وهي نايمه ..
بدون شعور قمت وبستها مع خدها ..
وكان ودي اقرط فيه لكني خفت تحس فيني وتقوم تعطيني محاضره ..
:: رد: حكاية عشاق ( خاطره منسوجه بقصة ) ::
رجعت انسدح مرة ثانية وانا الى الآن عيوني عليها الين غفت عيني ونمت ..

بعد شهر ......

أحمد
الساعه الحين 2 وربع ..
توي راجع من الدوام .. اول دوام لي بعد اجازة الزواج ..
كنت فرحان ومبسوط على الآخير مو لأني مداوم لا .. انا مستانس لسبب ثاني بتعرفونه لما اوصل للبيت ..
اول ما دخلت البيت على طول رحت لمجلس الحريم ..
وقفت عند سرير صغير فيه اجمل طفل شافته عيني ..
هذا محمد ولد اختي نورة ..
ولدت قبل اسبوعين ..
شلته من على السرير وهو نايم ..
وقعدت ابوس فيه الين تحمرت خدوده .. والمسكين قام يصيح من قوة البوسه ..
دخلت علي نورة وهي تتأفف : أوووووووف منك أحمد ماصدقت على الله ينام عشان ارتاح وانت تقومه علي ...
أبتسمت وانا احط الولد بسريره : وش دعوى نوره ؟؟ ماتبينا نحبه وونلعبه ..
مديت بوزي يقالي زعلان : خلاص ماعادني شايله ولا حابه .. عشان ترتاحين ..
وطلعت ..
شفت الضيقه بعيونها : أحمد مو قصدي كذا .. لاتزعل يالماصخ .. تعاااااااااااااااااااااال ..
وانا ارقى الدرج : لااااااااااااااااااااااااااا .. ماني جاي .. وولدك هاذا اشبعي منه ..مانبيه ..
قلت وانا أمزح بس هي تحسب اني جاد في كلامي ..
ماتدري اني لما انزل العصر راح اسوي به اشد واشد ..
وقفت عند باب الشقه وانا متوتر وخايف ..
اليوم اول مره اغيب عنها هالكثر من الوقت ..
سميت بالرحمن وفتحت الباب ودخلت ..
تكلمت بصوت عالي : السلام عليكم ..
عشان تنتبه وتعرف اني جيت ..
طلعت لي من المطبخ وهي تبتسم ..
بدون شعور مني ضميتها بقوه وانا العب بشعرها المربوط ورى ظهرها ,,
ابعدت عنها لما حسيت انها اختنقت ..
مسكتها مع يدها وجلستها في الصالة وجلست جنبها :اخبارك حبيبتي ؟؟ عسى ماتأخرت عليك ؟؟
تكملت بدلع واضح وهي تلملم شعرها اللي حسته لها قبل شوي : اخباري بخير .. بس من ناحية انك تأخرت فتأخرت بس شوي ..
احمد : توي طالع من الدوام .. على طول من الدوام لهنا .. يعني لازم تتعودين على هالنظام ..
شكل كلامي ماعجبها لانها قامت وهي تقول : يالله بدل على ما احط الغدى ..
يالله على هالبنت ما أدري متى بأعجبها ؟؟
الحين يقال ان علاقتنا متحسنه شوي .. امحق تحسن ..
قمت وبدلت ورجعت ثانية للصالة .. جلست اقلب في التلفزيون الين جت وحطت صينية الأكل قبالي ..
جلست على الكرسي اللي جنبي ..
ناظرتها بعدين ناظرت في الأكل بعدين ناظرتها وابتسمت : شكل الأكل طعمها لذيـــــــــذ ..
مدت لي الملعقة وهي تقول : بالعافية .. اول شي ذق بعدين احكم ..
أحمد : الله يعافيك .. اصلا مايحتاج الكتاب باين من عنوانه .. تكفي الريحه ..
سكتنا بعدها وجلسنا نآكل ..
بعدين تذكرت سدوم ..: الا وين سدوم ؟؟ ماشفتها .. لاتحت ولا هنا ..
من دون ماترفع راسها : نايمه ..
يالله على هالرنا .. ابفهم ليه هي تعاملني كذا ما أدري ..؟؟
من جد احس اني تعبت معها ..
رغم اني اقولكم ان علاقتنا بدت تتحسن الا احس انها تحاول تخرب كل شي ..
سكت وكملت غداي الا من جد كان حلو مرة مرة ..
لدرجه اني لحست الصحن كله ..
احمد : الحمد لله .. الله يعطيك العافية حبيبتي ..
هنا بس رفعت عيونها لي وقالت ..: الله يعافيك ..
ابتسمت لها وانا اقول لها : تبين شي ؟؟ بروح انسدح لي شوي قبل لا يأذن العصر ..
ابتسمت واتوقع انها ابتسامه مجامله : سلامتك .. روح ريح شوي ..
دخلت وغسلت وعلى طول على السرير .. ماصدقت اني اريح ..
انسدحت وانا احس اني متكسر ..
جلست افكر ..
رنا وش فيها اليوم ؟؟ ياربي كل ماقلت ارتحت احس اني اتعب كثير ..
من بعد ولادة نورة .. وانا احس رنا تعاملني معاملة زينه ...

رنا
دخلت المطبخ اغسل الصحون ..
وبعد ماخلصت دخلت للغرفة شفت احمد منسدح على السرير ويهوجس ويفكر ..
وقفت عند المرآية اعدل شكلي واتعطر ..
قربت من عند السرير وجلست على الطرف من الجهة الثانية ..محل نومي ..
رنا : وش فيك أحمد تهوجس ؟؟ فيه شي شاغلك ؟؟
ناظرني وهو يبتسم : سلامتك مافيه شي .. بس ..
وسكت ..
رنا : بس ايش ؟؟
أحمد : اقول وماتزعلين ..
رنا : خلاص احمد احنا اتفقنا انت ماتزعل مني وانا ما أزعل منك .. يالله قول ..
أحمد : امممممم .. مدري بس احس اول مادخلت عليك حسيتك متغيره مو مثل قبل ..
ابتسمت وكأنها تذكرت شي : أهااااااااا وهذا اللي مضايقك .. عادي احمد .. بس يمكن لأني قرفانه من المطبخ .. من قمت الصباح وانا ارتب فيه بعدين سويت الغدى .. تعرف انت عاد شغل الحريم ..
أحمد : يعني مافيك شي غير هالسبب ..؟؟
رنا : ابدا ابدا وعشان اثبت لك ..
قمت وتوجهت له وبسته مع خده : وهاذي بوسه عشان تتأكد ان مافيني شي ..
بعد البوسه تركته وطلعت ..

أحمد
فعلا ان بعض الظن أثم ..
ظلمتها المسكينه .. وهي على نياتها ..
وفوق كل هذا تعطيني بوسه .. صدق ان الدنيا الى الآن بخير ..
ورنا الى الآن على اتفاقنا وعهدنا ..
تدرون متى ارتحت معها .. لما تصارحنا انا وياها ..
شرحت لي كل شي بس هالمرة من دون دموع ..
حددت لي موقفها وانها تبغى تعيش معي بسلام .. بس لازم انا اصبر واتحمل لان صعب عليها تتقبله بسهوله ..
اتفقنا نعيش كأصدقاء .. الواحد قلبه على الثاني .. الين هي تجيني وتقول لي : انها خلاص تقبلت فكرة اني زوجها وان لي حقوق ..
وانا وافقت على كل اللي تبيه ..
على ان كل الضرر لي انا بس ميخالف موافق .. وموافق وموافق ..
خلال الاسبوعين اللي راحوا احس اني ارتحت من المشاكل والملاسن بيني وبينها ..
بدون شعور غفت عيني ونمت وانا احلم متى ست الحسن تجي وتقول : خلاص يا احمد تقبلتك كزوج ..

رنا
لما طلعت من عنده حسيت اني سخيفة وغبيه ..
بس وش اسوي لازم اسوي كذا عشان احمد مايضغط علي ولا يجبرني ..؟
صح اتفاقنا كان بايخ .. بس على الاقل راح ارتاح انا خصوصا من تلميحاته اللي توترني وتخليني عصبيه ..
امممممممممممم ..
وش اقولكم بعد ؟؟
ايه صح ..
من بعد ماولدت نورة صرت انزل تحت برضاي من دون أي اوامر من احمد ..
اجلس تقريبا ساعه وارقى فوق ..
مااقولكم تحسنت علاقتي فيهم .. بس كانوا يحترموني قدام الضيوف .. لاني ما انزل الا لما يجوهم ضيوف ..
واذا نزلت طول الوقت اجلس ساكته ..
الحمد لله الى الآن ماحصل تلاسن بيني وبينهم ..

بعد يومين ..

رن جوالي على آذان العصر ..
كانت سارة داقه علي .. تقول اني انزل بعد الصلاة فيه ضيوف بيجون .. لاتتأخرين ..
سكرت من عندها وانا مقرره اذا خلصت شغلي راح انزل ..
قومت احمد يصلي العصر .. وبعدها دخلت المطبخ اغسل الصحون وانظفه .. بعد ماخلصت .. رحت وصليت ..
صحيت سدوم من النوم وأكلتها .. بعدين روشتها ولبستها ونزلتها تحت .. عشان تلعب مع حنين ..
بعدها دخلت تروشت ..
لما طلعت احترت وش ألبس ؟؟
امممممممم جلست افكر وانا واقفه عند الدولاب ..آخر شي لبست بلوزة سوادء سادة بأكمام قصيرة وبفتحه صدر كبيرة مستطيله .. مع تنورة سوداء ضيقة الى نهاية الركبة ..
استشورت شعري ولميته كله على جهة اليمين من دون ربطه ..
كحلت عيوني وثقلت بالحكل مع ماسكارا .. حطيت روج زهر .. وحمرة خدود .. تعطرت بعطر خفيف .. ولبست جزمة ذهبية ناعمة بلون شعري من دون كعب ..
ناظرت نفسي للمرة الأخيرة في المراية .. عشان اتأكد ان كل شيء اوكي ..
سحبت لي شيلة ملونه كبيرة شوي عشان اغطي فيها وجهي وشعري ..
لما دخلت عليهم بالمجلس .. لقيتهم حاطين الشاهي استحيت ادخل واسلم وهم على أكل .. بس خلاص انا دخلت ..
رنا : السلام عليكم ..
الجميع : وعليكم السلام ..
تقدمت لحرمة كبيرة في السن وسلمت عليها وحبيت راسها ..
وبعدها لبنتين شكلهم متزوجات وسلمت عليهم ..
وبعدها سلمت على خالتي والبنات سارة ومرام وووونورة ...
جلست جنب سارة وانا أحس بنظرات الضيوف لي ..
الحرمة الكبيرة : الحين هاذي مرة أحمد ؟؟
خالتي : ايه هاذي هي ..
الحرمة الكبيرة : ماشاء الله تبارك الله ..
وهي الى الآن تناظرني .. وانا مغير اوسع ابتسامات .. مدري وش اسوي ؟؟ او وش اقول ؟؟
قالت خالتي : هاذي مرة مشعل الله يرحمه ..
الحرمه الكبيرة وكأنها تذكرت شي : أيــــــــــه هاذي مرة مشعل .. يعني هالبنية هاللي كل شوي داخلتن علينا تصير بنتك ..
خالتي : ايه بنتها ..
الحين الحرمه تكلمني انا ليش خالتي هي اللي ترد ..؟؟
صدق لقافه ..
الحرمة الكبيرة وهي تأشر بيدها لي : تعال يابنيتي هنا عندي تعالي ..
طيرت عيوني وانا مستحيه .. وش تبي ذي ؟؟
قمت وانا احس اني بسيح من الحياء .. من جد موقف لا أحسد عليه .. ليش مانادت مرام والا سارة .. ؟؟
جلست جنبها مثل ماطلبت ..
سحبت شعري وحطته من جهتها وجلست تمسح عليه وهي تقول بصوت هادئ : يابنتي مادريت والله عنك والا كان اخذتك لولدي ... والله من شفتك تذكرت وصفه .. كأنه عارف ان فيه بنت بهالاوصاف ..
انا هنا دوروني من جد ترى ماراح تلقوني ..
من جد احرجتني .. وش يبي يقولون اهل زوجي بعد هالكلام ؟؟
صدق هالعجوز منسمه ..
حمر وجهي وحسيت بحرارة وودي اقوم واطلع ..
لما شافتني ساكته قالت وهي تمد يدها لفتحة صدري وتشد البلوزة لفوق الين وصلتها لحلقي : الحين وش هي له هالفتحه ؟؟ انتي ترضعين لك بزر يوم انك مطلعه صدرك ..
ضحكت على كلامها وانا متوهقه .. قعدت اناظر نورة وانا اضحك .. بس الغريبه ان نورة ماكانت تناظرني ولا هي مهتمه للي ينقال ..
ناظرت سارة ومرام اللي تقطعوا من الضحك .. اكيد بيضحكون .. مو جتهم الفرصه عشان يضحكون علي ..
قالت خالتي وليتها ماتكلمت ..: هذا شغلها من آخذها مشعل الله يرحمه .. بنات مالقن من يوقف بوجيهن ..
بعد كلام خالتي انسحبت من مكاني وجلست جنب سارة ..
صبت لي سارة شاهي .. مالي خلق اشرب شي بس مجبوره لان الكل يناظرني ..
رشفت لي رشفه وحده ورجعت البيالة مكانها وعلى حالها الين نغزتني سارة ..
التفت عليها وانا مطيره عيوني : خير ؟؟ وش ذا النغزه ؟؟ حفرت لي خصري ..
سارة : وش فيك مسبهه ؟؟ وش سرحانه فيه ؟؟
ميلت لها فمي : وانتي وش تبين الحين ..؟؟
سارة : حبيبتي لاتفشلينا قدام الحريم .. وبعدين مو انا قلت لا تتأخرين .. ليش توك تنزلين ؟؟
رنا : والله ياحبيبتي انزل متى ما أبي .. انتي وش دخلك ؟؟
سارة : والله اللي فشلتينا وضيعتي وجيهنا ..
قهرني كلامها .. دام انا مفشلتها ليش تناديني ؟؟
رنا : تكلمي زين لااعطيك كف على وجهك ..
سارة بعيون حمراء : انتي حمارة .. تدرين والا ماتدرين ..؟؟
مسكت اعصابي بالقوة : لا ما أدري .. بس اللي ادري عنه اني جالسه مع بقرة ..
سكتت سارة ولفت وجهها عني ..
اما انا رجعت لوضعي الطبيعي .. ولما التفت اناظر اللي قبالي .. الا اتفاجأ انها داخله معنا بالسالفة وسمعت كل شي ..
ميلت لها فمي وانا مقهوووووووورة من داخل على هالمهزلة اللي انا جالسه معهم ..
لما سمعت صوت آذان المغرب .. حسيت انه افرااااااااااااااج ..
بعد ماقاموا الحريم يصلون المغرب ..
انسحبت بهدوء من المجلس وطلعت ولما وصلت للدرج ..
:: رد: حكاية عشاق ( خاطره منسوجه بقصة ) ::
خالتي : رنــــــا ؟؟!
هزيت راسي وانا ابتسم .. يعني لا مفر ..
التفت وانا الى الآن مبتسمه : سمي خاله ؟؟
خالتي : وين رايحه ؟؟
رنا : امممممممم .. بروح اصلي ..
خالتي بحزم : تصلين وترجعين .. بســـــــرعه ..
رنا : ان شاء الله ..
وعلى طول طيران لشقتي .. ماصدقت ان رقيت .. اووووووووووف من جد قرف ..
صليت ونزلت وياليتني مانزلت ..
اول مادخلت المجلس مالقيت احد من الضيوف ..
فيه خالتي ونورة بس ..
خالتي : هذا وانا اقول بسرعه .. خلاص راحوا .. وش الفايده من نزلتك ؟؟
رنا : بس انا صليت ونزلت على طول .. شكلهم هم اللي مستعجلين ..
فكرت اني اعود من حيث اتيت .. لكني خفت تناديني .. عاد انا مابي احد يغصبني اقعد وانا ما أبي ..
فقلت اجلس شوي واذا فضى المجلس انحشت ..
جلست ساكته بس اناظر في خالتي بعدين نورة بعدين سرير البيبي ..
ميته ابي اشوفه .. من كثر مايتكلم احمد عنه وعن جماله .. صار ودي اشوفه بس مابي احرج نفسي يمكن نورة ماتبيني اشوفه .. وانا مالي مشاكل ..
وكنت امني نفسي واقول : مصيري اشوفه ..
سمعت احمد ينادي بالصالة ..
خالتي : أحمــــــــد تعال هنا .. مافيه احد ..
دخل احمد : السلام عليكم ..
الكل ومن ضمنهم انا : وعليكم السلام ..
جلس بجنب امه ..

أحمد
لما دخلت ماكنت اشوف الا امي ونورة ..
لكني لما جلست جنب امي .. طيرت عيوني وانا اشوف رنا قبالي ..
تكلمت بصوت خفيف وانا متفاجأ من وجودها : رنا
شفتها تطير حواجبها لفوق وهي تبتسم وقالت بصوت اتوقع انا اللي سمعته بس .. لانها بس حركت شفايفها بدون صوت .. اشششششششششششششششش ..
ضحكت على حركتها وانا التفت على امي وأسولف معها ..
لكن عيوني كانت على رنا ..
مستغرب نزلتها بدون ضيوف ..
بالعاده ماتنزل الا فيه ضيوف بسسسسسسسسس ..
اكيد عندها شي .. الله يستر ..
دخلت ساره وهي تقول لأمي : مامي .. التلفون ..
قامت امي للتلفون ..
واول ماشفت امي طلعت من الغرفة ..
قمت على طول وجلست جنب رنا وانا انغزها بكوعي ..
ابتسمت لي وهي تغمز بعينها ..
اموت واعرف وش عندها الأخت مغير توزع ابتسامات ..؟؟
نورة وهي منسدحه على السرير : وش عندكم ؟؟ ناظرني واناظرك .. اذا عندكم شي .. لو سمحتوا فوق مو عندي ؟؟
طيرت عيوني على نورة وعلى كلامها : الحمد لله والشكر بس .. الحين لو زوجك قاعد يناظرك وتناظرينه .. يعني يبي شي منك ؟؟
حمر وجه نورة وصار الوااااااااااان .. نزلت عيونها وسوت نفسها لاهيه بالجوال ..
لكن المصيبه لما التفت على اللي جنبي ..
تصدقون حسيت انها ذابت وماعدت اشوفها الا بقايا زبده ..
ناظرتني رنا بعيون كلها حياء وهي تقول : استح !!
دخلت سارة علينا وجلست جنب رنا ..
جلست تناظرنا كلنا بس مافهمت ..
سارة : وش فيكم ؟؟ كل الوانكم مخطوفه ..
احمد : سلامتك بس قاعدين نقول كلام متزوجين مايصلح لك ..
سارة وهي تميل فمها : تكفى عاد يالمتزوجين ... اللي يقول الحين عايشين بكوكب المريخ بعيد عنا ..
نغزتني رنا مع خصري وهي تقول بهمس : خلاص اسكت وفضها سيرة ..
همست لها : ليش ؟؟
رنا من بين اسنانها : لانك راح تجيب العيد لو طولت بالكلام ..
ضربت كتفي على كتفها خفيف وانا اقول لها بنفس الهمس : تستحين ؟؟
ناظرتني بقوة وهي تقول : اطلب منك طلب ..؟؟
رمشت لها بعيوني وانا اقول : عيوني ..
ابتسمت على حركتي وهي تقول : ودي اشوف محمد بسسس ..
مديت يدي لفمها وسكرته وانا اقول : فاهم فاهم ..
قمت على طول وجلست على سرير نورة ..
سحبت سرير حمودي وشلته ..
احمد : وهذا اربع وعشرين ساعه نايم ..
نورة وهي معصبه : لاتكلمني تفهم ؟؟
تغيرت ملامحي وانا اشوف تعصيبتها : افاااااااااااا ليش ؟؟ تو كنا حبايب وش اللي غيرك ؟؟
نورة : تحرجني قدام زوجتك وتقول حبايب ..؟؟
ضحكت عليها من قلب وعجزت اوقف من كثر الضحك لدرجه ان حمودي اللي بحضني بغى يطيح من كثر الهز ..
احمد : ههههههههههههههههههههههههههههههههههه
نورة وهي تمد يدينها لحضني وتآخذ محمد : انطم بس ... اكيد تضحك على خبالك يالخبل ..
ضربتني على خفيف وهي تقول : قم عن السرير مابي اشوفك .. قم ..
قامت سارة اللي كانت طفشانه من الاساس لما دخلت وهي تقول : سخافة متزوجين انا اروح لمرام ازين لي ..
وطلعت ..

مہزآجہي صہعےب · 17 - 01 - 2012, 11:13 AM

رنا
قهرني احمد وحركاته ..
الحين بدال مايجيب الولد .. خلى نورة تزعل منه وتآخذ منه حمودي ..
اوووووووووووف .. بس ياويله لو ماجابه ..
شفته يقوم من السرير وهو يلملم بقايا ضحكته ..
مد يدينه لنورة يعني اعطيني الولد ..
نورة : لا .. ماراح اعطيك اياه ..
مديت بوزي وانا عارفه ان مالي نصيب بشوفته ..
لف احمد علي وكأنه بيرجع لمكانه .. لكنه بسرعه البرق ومن دون ماتحس نورة .. سحب الولد منها وعلى طول جلس جنبي ..
احمد وهو يمد لسانه : الحين ازعلي زي ماتحبين .. حمودي وآخذناه ..
لفت نورة وجهها عننا .. وصدت للجهه الثانية وهي معصبه ...
طالعت في الولد اللي كان في حضن احمد ..
فتحت عيوني على وسعهن وانا اذكر الله واسمي من داخلي .. ماشاء الله تبارك الله .. من جد هالولد مزيون .. ويحق لأحمد لو تخبل عليه ..
غمز لي احمد وهو على فمه ابتسامه حزينه : عقبالنا ..
ميلت فمي بعفوية ماكنت اقصدها .. لكن احمد شافها وفي عيونه حزن ماعرفته ولا فهمته ..
من جد صرت في الفترة الأخيرة احزن عليه .. ليش ما أدري ؟؟
غصبت ابتسامتي وقلت : أحمد .. والله مو قصدي اللي فهمته ..
أحمد : لا عادي لاتشيلين في خاطرك ..
وكمل وهو يبغى يحسسني بالذنب : تعودت ..
اسودت الدنيا بعيني .. ما ادري بصراحه من الظالم ومن المظلوم من هالزواج ..
بست حمودي على خده وهو بحضن احمد .. وطلعت من الغرفة ..
مريت على الصالة وبعدين على الدرج ..
لكن خالتي وقفتني وهي تقول : رنا ؟؟
التفت لها : سمي ؟؟
خالتي : يوم الخميس بنطلع لمزرعة أخوي .. بنطلعها من الصباح .. خليك جاهزة .. خلاص ..
طالعت فيها وانا مالي خلق بعدين قلت بنفسي : وش لي وش للمشاكل .. خلني اقولها خلاص وافتك .. لاني لو رفضت اكيد بتعصب وبتسوي لي مناحه .. اوافق برضاي احسن من ان يجي احد ويغصبني ..
رنا : خلاص ..
على طول رقيت لغرفتي ..
تمددت على الكنبه وانا حاسه بثقل في صدري ..
ياربي متى تتحسن علاقتي بأحمد .. ياربي متى احسه زوج لي مو اخو زوج ..
يارب تفرج همي وكربي .. يارب تيسر لي امري .. يارب تغير حالي للأحسن .. يارب تــــ
ماقدرت اكمل لان احمد دخل ..
عدلت جلستي وانا اناظر فيه وهو يقرب ويجلس جنبي ..
احمد وهو يحط يده على كتفي : لايكون متضايقه على الكلام اللي قلناه تحت ..
ابتسمت بحزن : وانت ؟؟
احمد وهو يبتسم ابتسامه صادقه : ابداً
هنا ابتسمت براحه : وانا بعد ابدا
احمد وهو يقرب راسي لصدره ويمسح على شعري : وش رايك نطلع نتعشى برى ..
رنا : ماعندي مانع ..
احمد وهو يمسح على شعري : انزين وش رايك تسولفين علي ؟؟
رنا : هههههههههه
احمد وهو يشد شعري بقوة : لاتضحكين ماقلت نكته ..
رنا : آآآآآآآآآآآآآآآآىىىىي .. وجعتني ..
احمد وهو يمسح على شعري مرة ثانية : آسف ماكنت أقصد .. وهاذي حبة راس ..
باس راسي وانا بغيت امووووت من الفشله ..

احمد
كنت مرتاح وراسها على صدري ..
وكان ودي انها تسولف لي وتقول كل اللي تبي تقوله ..
لكنها قهرتني لما ضحكت ..
ادري عورتها .. وتندمت .. بس برضوه تستاهل ..
حسيت بيدينها تلف ظهري وبطني وتشبكهن ..
ارتحت لما تقبلتني وبادلتني نفس الشعور .. بس وش الفايده اذا هي ماهي معترفه اني زوجها .. وانا بنظرها مجرد صديق ..
رنا : احمد ..
احمد : هلا ..
رنا : انت اللي سولف لي ..
أحمد : وش تبين اقول ؟؟ وش هي السالفة اللي تبين اقولها ؟؟
رنا : أي شي يخطر ببالك ..
أحمد : ماتلاحظين يارنا .. كلما جلسنا مع بعض .. بس قاعدين نتعازم بالسوالف .. وكل واحد يقول للثاني انت قول وانت قول ..
رنا : تدري ليه ؟؟
احمد : لا ..
رنا : لان كل السوالف اللي عندي .. هموم ..
احمد : وانا ماابغى اسمع الا همومك .. ابي اعرف وش اللي يضيق خلقك ..
رنا : انزين بقول بس لا تعلق على اللي بقوله او تستهزئ ..
احمد : ابداً .. انتي بس تكلمي ..
رنا : امك قبل لا أرقى قبل شوي .. قالت لي انهم بيروحون لمزرعة خالك من الصباح .. وانا ماكنت ابي اروح .. لكني خفت اقولها مابي اروح تعصب ..
:: رد: حكاية عشاق ( خاطره منسوجه بقصة ) ::
استغربت كلامها اول مرة تكلمني عن اهلي ..
سألتها بإستنكار : وليش تعصب ؟؟ اذا ماتبين عادي ترى ماحد بيغصبك ..
رنا : احمد افهمني .. امك تقول تجهزي .. يعني وش معناها ؟؟
سكتت فترة وانا مستغرب طريقة رنا بالكلام .. تتكلم وكأنها خايفة من ردة فعلي ..
أحمد : معناها قولي رايك ايه او لا ..
رنا : لا مو معناها كذا .. معناها بتروحين وافقتي او لا .. بس انا اللي مستغربه منه .. وشلون بتروح امك ونورة الى الآن مابعد طلعت من الأربعين ..
أحمد : والله ما أدري .. صح هذاي وشلون فاتتني ؟؟ على العموم الحين بيأذن العشاء .. وبنزل وبشوف وش السالفه ؟؟ صح انتي ماقلتي لي وش رديتي عليها ؟؟
رنا : قلت خلاص ..
أحمد : رنو اذا ماتبين تروحين عادي ..
رنا : لا يا أحمد انا مابي مشاكل .. وبعدين انا قلت لأمك خلاص ..
احمد : متأكده من قرارك ..
رنا : متأكده ..
تمنيت الوقت يطوووووووووووول وهي ضامتني بين يدينها ..
لكن دايما الشي اللي يفرحني ويخليني مبسوط يكون ثواني في حياتي ..

رنا
حسيت بشعور حلو وانا لافه خصره بيديني ..
ماكان ودي افكه .. وكان ودي اتكلم واتكلم .. لكن الوقت ماكان يسعفني ان اطول في الكلام ..
سمعت المؤذن وهو يأذن لصلاة العشاء ..
عدلت جلستي وانا اقول : نآخذ معنا سدوم ؟؟
احمد وهو متفاجأ من سؤالي لاني غيرت السالفة ميه وثمانين درجه : لا مايحتاج .. تلعب مع حنين ازين لها ..

يوم الأربعاء

رنا
كنت جالسه بجنب سارة ..
الضيوف كانوا كثار من اشكال وانواع .. عجايز .. امهات .. بنات .. اطفال ..
كنت لابسه بنطلون جينز ماسك لونه ازرق غامق ومعه بلوزة تفاحي الى نص الفخذ بدون اكمام .. ورابطه شعري على شكل ذيل حصان .. مع كحل خفيف وروج وردي وحمرة خدود وردي ..
لابسه وانتوا بكرامه صندل ربط لونه زيتي .. بدون كعب ..
كان الوقت بعد العشاء .. الساعه 9 ..
طلعت من الغرفة لما حسيت بكتمة وضيق ..
اوووووووووف احسهم كاتمين على نفسي .. الكل يطالع فيني وكأني منظرة لهم ..
بس ارجع واقول معذروين .. اول مرة يشوفوني ..
دخلت المطبخ وانا احرك الطرحه الكبيرة الملونه على وجهي عشان يجيني الهوى ..
فتحت الثلاجه وصبيت لي كأس مويه باااااااااااااارد ..
جلست على الكرسي وشربته مرة وحده .. من دون ما أحس .. وانا احس براحه ..
سمعت صوت على الباب .. على طول سحبت الطرحه من على كتفي وتغطيت ..
شفت بندر يدخل وهو يقول : فيه أحد ؟؟
تكلمت بهمس : عقب ما دخل قال فيه احد ..
لما شفته يدخل داخل المطبخ وكأنه يبغى شي بس وشو ما أدري ؟؟
قمت انا على طول وطلعت من المطبخ مالي خلق مشاكل ..
وقفني بندر : رنا ..؟؟
التفت عليه وانا ناسيه ان الطرحه ماتغطي الا نص طولي فقط : نعم ..
حسيت ان بندر جالس يتأملني ويطالعني من فوق لتحت .. لكن مانتبهت الا لما جتني صرخه من واري : رنـــــــــــــــــــــــا ؟؟
التفت بسرعه وانا مرعوبه من الصرخه .. حطيت يدي على قلبي وانا اصرخ : آآآآآآآآآآآآآآآه ..
شفت احمد وعيونه تطلع شرار .. رفع اصبعه وأشر علي من فوق لتحت : وش هذا اللي لابسته ؟؟ بتفهميني انك متغطيه ومااحد يشوف منك شي ..
نزلت عيوني لتحت .. وصرخت بداخلي وانا اقول يافشلتي لان الطرحه ماتغطي الا نص طولي ..
سحبني احمد بأقوى ماعنده وطلعني من المطبخ اللي كنت اصلا طالعه منه بس لولا مناداة بندر لي كان طلعت من زمان ...
ودفني بقوة لجهة الدرج وهو يقول بصراخ : فووووووووووووق .. بسرعه ..
سحبت نفسي سحب ورقيت فوق وانا مدري اضحك او اخاف او واو ماادري بصراحه وش شعوري ؟؟

أحمد
ثار دمي ثورة ماتوقعت اثورها لما شفت رنا واقفه وبندر قاعد يتمقل فيها من فوق لتحت ..
كان ودي ذيك الساعه اذبحها واشرب من دمها .. لكن ربي ستر ومسكت نفسي ..
وقسم بالله وانا امسكها واطلعها من المطبخ بقوة .. كان قلبي يتفتت من داخل .. لاني كنت غارس اصابعي بلحمها الناعم الطري .. وانا بكل قسوة شوهته ..
التفت على الزفت بندر .. شفت الجمود بوجهه ولا كأنه سوى شي ..
ناظرته بقوة وانا ودي أخنقه على وقاحته ..
تبادلنا النظرات طويل .. الين قطع بندر النظرات وهو يقول بصوت قوي : ليش تزوجتها ؟؟ لاتقول انك تحبها .. لاني ماني مصدقك .. انت تزوجتها عشان تملكها بس ..
انصدمت من كلامه الغير متوقع ..
تكلمت بعصبية عشان اوضح انه غلط هو وياها : تزوجتها وانا احبها او تزوجتها املكها .. ماكان من حقك انك تناظر فيها وتتفحصها من فوق لتحت .. هاذي اخلاقك يامحترم ..
ابتسم بتريقة وهو يقول : اخلاقي ...!!! الحين جاي تشكك بأخلاقي وين اخلاقك قبل لا تتزوجها ؟؟ والا حلال لك وحرام علينا ..
عصبت زيادة على كلامه : كلام فاضي وتعبان .. تكلم زين وبرر لتصرفك بدل هالخرابيط اللي قاعد تقولها ..
بندر بنظرات ماقدرت افسرها او اعرف مغزاها ..
قرب من عندي وهو يقول : عزاي الوحيد اني بسافر وماعاد افكر لافيك ولا فيها .. احمد عمرك ماراح تتهنى معها او تشوف يوم حلو .. تدري ليش ؟؟
سألته بشغف وودي اعرف وش اللي يخلي حياتنا مو طبيعيه : ليش ؟؟
بندر وهو يرفع حواجبه ومستغرب من ردة فعلي المفاجئة : وش فيك ؟؟ ودك تعرف ليش ؟؟ مشكلتك انك ماتدري وش تبغى ؟؟ ولاتعرف ليش تزوجتها هل هو حب او شفقه او سبب ثاني .. اذا انت مو عارف بالضبط ليش أخذتها تبي انا اعرف ..؟؟
مر من جنبي وطلع من المطبخ ومن البيت بكبره ...
قعدت اقلب عيوني يمين ويسار وقلبي يخفق بقوة ..
صادق بندر .. انا لازم احدد السبب اللي خلاني اتزوجها عشان اعرف اعيش ..
انا احس نفسي ضايع .. حتى رنا احسها ضايعه معي ..
مسكت راسي بقوة .. لاني حاس انه بينفجر ..
رقيت الدرج بهدوء وانا كاره نفسي وحياتي كلها ..

رنا
غيرت ملابسي ولبست بجامه واسعه لونها أسود .. انسدحت على السرير ..
اخترت الاسود لان احس نفسي حزينه ..
كرهت احمد في ذيك اللحظة اللي شدني فيها ..
انا وش سويت خطأ عشان يسوي معي كذا ؟؟
كنت واقفه ومتغطيه وماكنت ادري عن الجزء اللي ماغطيته .. يعني لو كنت اعرف بوقف استعرض عنده ..
دخل احمد الغرفة وجلس على السرير من الجهة الثانية ..
ناظرته وطولت في النظر .. شكله مايطمن .. وجهه اسود وملامح وجهه معبسه ..
غمضت عيوني بألم وأنا اقول بنفسي : الله يسامحك ياعبدالرحمن الله يسامحك على هالزواجه ..
دخلت تحت البطانية وغمضت عيوني .. بأحاول انام عشان ماافكر زياده ..

أحمد
حسيت بحركته على السرير التفت بشوف وش تسوي ؟؟
لقيتها مغطيه نفسها بالكامل ..
ابتسمت على حركتها ..
قمت وسويت نفس الحركه ودخلت معها في نفس البطانية وانا حدي مهموم من كلام بندر ..
شفتها مغمضه لان النور كان شغال ..
اموت واعرف وش قاعده تفكرين فيه الحين ..؟؟؟
شفتها تفتح عيونها وهي تقول : ولاشي .. بس قاعده افكر كيف اقدر انام عشان ماافكر ؟؟
ناظرتها متفاجأ .. الحين انتبهت ان صوتي كان عالي لما تكلمت .. وانا حاسب نفسي قاعد اكلم روحي ..
مشيت السالفة وكأني قاصدها ..: وليش غصب بتنامين ؟؟
رنا وهي تبعد البطانية : لاني تعبت وانا افكر ..
قربت لعندها ولصقت فيها وانا اقول : وش تفكرين فيه ؟؟
رنا وهي تناظر بالسقف : انت ليش مزاجك متقلب ؟؟ مو المفروض الحين زعلان ..
ارخيت جسمي وجلست اناظر السقف زيها : ليش ازعل ؟؟ انتي ماسويتي شي غلط .. الغلط كله غلط بندر اللي داخل المطبخ بوجودك ..
رنا وهي تلف وجهها لي وتناظرني بنظرات مستنكره : تستهبل علي انت ؟؟ تسجبني قدامه بأقوى ماعندك .. بغيت تخلع كتفي وتقول الغلط مو غلطي ..
لفيت لجهتها وتقابلت وجيههنا واختلطت انفاسنا ..
عجزت انطق بحرف وانا مقابل عيونها ..
قعدت اتأملها وانا ضايع في وجهها ..
كان ودي احضنها واقول اللي في خاطري بس صعب .. وصعب كثير ..
فيه امور كثيرة تخليني استصعبها وأولها وأهمها .. خايف انها تصدني ..
فأكتفيت بالتأمل فقط ..

رنا
دائماً لما نتواجه .. يكون ضعيف وصامت ولا يقدر يقدم او يأخر أي شي في موضوعنا ..
كنت انقهر من موقفه وتصرفاته بهالمواقف ..
شفته وهو يتأملني وانا أتألم من داخلي .. ودي اعرف ليش مايبادر ويسوي أي شي يخلي حياتنا طبيعيه ..
ليش يبغاني انا اللي دائما اتحرك واقول واقرر واسوي اللي ابيه ؟؟
ليش انا اللي دايم اطلب فرصه ؟؟ واطلب وقت ؟؟ واطلب تغير نفسي علشانه ؟؟
وهو بارد مبرد .. لا يقدم ولا يأخر ..
ابعدت عني الغطى وانا اتأفف من داخلي .. مو حاله هاذي ..
يا يقعد يتأملني او يبغى اسولف له ؟؟
مو حاله ذي ..
طلعت من الغرفة وشغلت التلفزيون وانا اقلب بالقنوات ..
طفـــــــــــــــش وبكره فيه طلعه مع اهله الله يعيني عليهم كلهم ..
:: رد: حكاية عشاق ( خاطره منسوجه بقصة ) ::
طلع احمد وجلس لكن مو جنبي ..
احمد وهو يسحب الريموت : ماسألتيني عن المزرعه ؟؟
استغربت سؤاله لكني سايرته : وعن ايش اسئلك ؟؟
أحمد : يعني ليش امي قالت لك لازم تروحين على قولتك ؟؟ وكيف تروح امي ونورة بالاربعين ؟؟
رنا : مو لازم أسئل .. يعني انت ماتقول من نفسك ؟؟
أحمد : ماجت فرصه ..
رنا : انزين قول ..
أحمد وبدى يستخف دمه : أبدأ بالأول او بالثاني ؟؟
سحبت الريموت وانا اقول بطفش : أحـمــــــــــــــــــد ؟؟!
أحمد : انزين بقول لا تصارخين .. امي تبيك تروحين عشان كل الأهل والجماعه بيجون هناك وتعرفين اكيد بيسألون عن مرة ولدهم ..
قاطعته وانا اقول بتريقة : وانا جديده عنهم ؟؟
أحمد حزت في خاطره هالكلمة لكنه مابين .. لكن انا حسيت فيه : حتى ولو .. المهم وعشان سؤالك الثاني ان نورة بالاربعين .. تعرفين قرب زواج مرام وامي ماتبيها طلع من البيت كثير .. فراح تقعد مرام عند نورة ..
ناظرته بطرف عيني وانا اقول : ماشاء الله .. مرام قرب زواجها .. الله يقدم اللي فيه الخير ..
سحب مني الريموت مرة ثانية وحط على قناة غنائية ..
احمد وهو يرفع رجلينه على الطاولة اللي قدامه : اقول رنا ..
التفت عليه وانا اقول : هااااه ..
قال وهو يبتسم وفي فمه ضحكه كاتمها : قومي ارقصي ..
طيرت عيوني عليه وانا اضحك ....
رنا : هههههههههههههههههههههههههههههههههههههههه مجنون انت ..؟؟
احمد وهو يضحك : ههههههههه ليش مجنون ؟؟
رنا : انا مااعرف ارقص ..
احمد : ولو .. حتى لو ماتعرفين قومي هزي بس ..
رنا : اهز كأني مجنونه او داخلني شي .. بسم الله العظيم الأعظم ..
قام وسحبني معه وهو يرقص ويرقصني معه .. استانست بصراحه على أني ماكنت ارقص وهو اللي كان يرقصني .. لكني ضحكت من قلبي على رقصه وحركاته وخباله اللي اول مرة اشوفه ..
ونمت ذيك الليلة وانا مرتاحه ومبسوطه على الآخر ..
وانا ادعي بقلبي ان ايامنا كلها راحه وسعادة ..

مہزآجہي صہعےب · 17 - 01 - 2012, 11:15 AM

يوم الخميس
في الأستراحه ..

رنا
عالم ... ناس كثيرة .. امة محمد ..
كان الجو العام كئيب جدا جدا ..
ناظرت في ساعتي ..
جتني كآبه وانا اشوف الساعه تشير لعشر ونص ..
مسكت راسي ولميت شعري كله لجهه وحده .. وانا حاسه بصداع وقرف من الحر والزحمه ..
كنت لابسه فستان قصير مزموم من عند الخصر بدون اكمام وفتحه الصدر مستطيله وطوله لحد الركبه لونه فوشي ولابسه تحته سروال اسود ماسك لتحت الركبه بشوي .. فاكه شعري وكاحله عيوني بكحل اسود ومثقلته .. حاطه روج فوشي صارخ وبلاشر وردي ..
لابسه كعب اسود بخيوط قصيره على الساق .. وشنطه كبيرة نوعا ما لونها ابيض ..
انجبرت اسلم على الكل وانا اوقف ورى خالتي اللي من تخلص سلام من وحده انا اصير وراها واسلم ..
حاولت قد ما أقدر اني اتهرب من السلام .. المشكلة اني ضيعت سارة .. لو سارة فيه كان قدرت اتصرف .. والمشكلة بعد اني الى الآن مابعد فسخت عباتي .. بس فكيت النقاب الطرحه عن وجهي ..
اللي انقذني من جد هو دخول جماعه وقعدت تسلم انسحبت بينهم من دون ماتحس خالتي ..
على طول طلعت من الفيلا ابغى اهرب ..
لكن لما شفت الشمس وقوتها تراجعت بسرعه ودخلت للفيلا اللي كانت بوسط المزرعه ..
سألت بنت صغيرة عن المغاسل .. ودلتني ..
رحت للمكان اللي قالت عليه البنت .. لكني انصدمت بالكم الهائل من الناس اللي ما أعرفهم بالتأكيد ..
لكني تجاهلت الكل ووقفت عند مرآية فاضية ..
فسخت عباتي ولميتها بشكل عشوائي ودخلتها في الشنطه ..
رتبت شعري اللي كان بجهه وحده .. تعطرت وسط نظرات الناس وعيونهم اللي بغت تآكلني .. مرت من جنبي وحده كأني أعرفها ووجهها مألوف عندي .. ألا أعرفها ..
التفتت على طول قبل لا أضيعها ومسكتها مع يدها بقوة خوفي تنفلت من يدي ..
قلت لها بصوت هامس : هيه انتي وينك ؟؟ تركتيني وانا ما أعرف شي ..
سارة وهي تفك يدي : انزين فكي يدي عورتيني .. انا بعد ادورك .. احمد موصيني ماأتركك لحالك ..
لاوالله وفيه الخير موصي اخته علي .. يطلع منك شي حلو والله يا أحمد ..
تأبطت ذراعها وطلعنا من المغاسل وانا اقولها : لاتخافين مو حباً فيك .. بس لأني مااعرف احد هنا ..
ضحكت سارة وهي تقول : ادري يالمكارة .. امشي خلينا نجلس بمكان فاضي ..
دخلنا غرفة كلها بنات في نفس عمر سارة واكبر بشوي ..
جلسنا انا وياها جنب بعض من دون مانسلم .. لانه لو بنسلم ماراح نخلص الا العصر ..
قعدت اناظر في الجمع المبارك وانا اوسع ابتسامات كأني هبله ..
من جد عالم تعبانه مجمعين هالناس كلهم ليش .؟؟
لاتقولون صلة رحم .. حشى كل هذا صلة رحم ..
هذا ترويع مو صلة ..
مرت بنت صغيرة توزع كاسات مويه بصينيه .. نغزت سارة انها تجيب لي مويه ..
سارة : تعالي يابنت ..
قربت البنت .. مدت سارة يدها واخذت مويه واعطتنياه وهي تقول : تدلعي ست رنا .. ترى كله عشان اوامر أحمد .. والا كان تحلمين بهالخدمه ..
ابتسمت لها وانا افتح المويه واشرب المويه دفعه وحده .. وانا مو مهتمه لنظرات الكل تجاهي .. كأني نازلة عليهم من السماء .. عالــــــــــــــــــــــــــــم مريضه ..
قامت سارة وهي تقول : دقيقة وبجي ..
راحت وانا اللي أكلتها مع هالجمع المبارك ..
انتظرته دقيقة دقيقتين .. ربع ساعه .. نص .. ساعه .. وماجت ..
شكلها تلعب علي وودها بس تفتك مني ..
انتظرت نص زياده .. لكنها ماجت ..
سحبت نفسي من وسط هاللجه وطلعت بس وين اروح ؟؟
قررت اطلع برى الفلة .. لكني تذكرت الشمس والحر ..
طليت مع الباب الرئيسي وانا اقول بنفسي مو ضارني شي .. راح اطلع برى واذا ماعجبني الوضع راح ادخل ..
طلعت وانا حاطه يدي على جبهتي عشان احجب اشعة الشمس واشوف الطريق ..
مشيت بضع خطوات ولفت انتباهي شجرة كبيرة بوسط المزرعه ..
قربت لعندها واستظليت بظلها وانا ازفر براحه ..
واخيرا لقيت مكان استظل فيه من حرارة الشمس ..
بس الحين وين اجلس ؟؟ دورت يمين يسار على شي اجلس فيه مالقيت .. لفيت على الشجرة وانا اناظر بعيد عساني القى كرتون او لوح او أي شي ..
وبعد كم لفه لقيت خشبة صغيرة .. شي ازين من لاشي ..
شلتها وحطيتها في المكان اللي ابيه ..
جلست وانا احوس بالشنطه .. تذكرت ساعتي اللي مالبستها ..
طلعتها من الشنطه ولبستها كان لونها ابيض ..
سكرت الشنطه وثنيت ركبي وحضنتهن .. وانا اتأمل في المزرعه .. كانت في قمه الروعه .. خصوصا الثمار المزروعه فيها ..
بعد شوي سمعت صوت آذان الظهر .. تذكرت اني مو طاهرة .. يعني لازم اتوضأ ..
حطيت شنتطي في مكان جلستي وقمت ابدور لي أي مكان فيه مويه لو حتى بين الزرع اهم شي ما أدخل داخل الفيلا ..
وفعلا لقيت ليّ يسقي شجره لكنه كان ضعيف ..
توضيت بصعوبه ولما بغيت اغسل رجولي فسخت نعالي وغسلتهن ولكني مارجعت لبستهن لانهن راح يتوسخن ..
شلتهن بين يداتي وانا امشي على اطراف اصابعي خوفي يجرحني شي من الارض ..
وصلت لمكاني بسلام .. لبست عباتي وصليت لاني كنت اعرف اتجاه القبلة وين ؟؟ من الشمس اللي حرقت لي وجهي ..
وبعد الصلاة جلست امسح رجولي من التراب اللي علق فيهن بالمنديل لبستهن ورجعت نفس جلستي ..
كنت سرحانه وافكر .. لكني كنت بين الواقع والخيال .. احس بشي يخطف قدامي وبعدين يختفي .. لكن مع سرحاني ماكنت منتبه زين ..
لكن لما حسيت بصوت قريب .. انتبهت ..
ركزت بعيوني احاول اشوف لكن ماقدرت ..
التفت لجهة الفيلا وانا اشوف عالم داخله طالعه ..
يمكن مجموعه من البنات يتمشون ولا حسيت فيهم ..
نسيت الموضوع على طول لما شفت بنات جايين صوب الشجره ..
وقفوا فوق راسي ..
قالت وحده : مواعده أحد ؟؟
رفعت لها راسي وانا مستغربة سؤالها : لا ..
قالت الثانية وهي تدف الأولى بكوعها : خلاص يابنت لاتحرجينها .. يمكن ماتبي تقول ..
استغربت كلامهم وفهمته لكني طنشت .. لاني لو برد عليهم بقوم اكفخهم ..
قالت الأولى : وش رايكم نخليها على راحتها ..؟؟
قالت الثالثة : لا ليش نخليها على راحتها ؟؟ مثل ماتشوف حنا بعد نبي نشوف ..
صدق مهبل .. بنات بايعينها .. لكني مسكت اعصابي وسكتت ..
قالت الأولى : خلاص بنات خلينا نلف لفه ونرجع ..
الكل : يالله ..
ماصدقت انهم ابعدوا عني وراحوا يتمشون للجهة اللي توضيت منها ..
ولاكنت عارفه وين انا جالسه ؟؟ والجهه اللي توضيت منه توصلني لوين ؟؟
مرت ربع ساعه بعدين رجعوا وهم يضحكون ..
حمدت ربي وشكرته بداخلي على نعمة العقل ..
قالت الثانية : يابنت الأيه .. وتقولين بعد لا .. اتاريك مواعده ومخلصه وحنا اللي خربنا عليك ..
رفعت راسي وانا عاقده حواجبي : انتي مجنونه والا تستهبلين .؟؟
الثانية : لا مجنونه .. لاتقعدين تلفين وتدورين .. تراني اعرف هالحركات ومجربتها ..
قلت بهدوء مطصنع : يعني تبغيني اصفق لك والا أغني .. عشان سواد وجهك ..
الثانية بقواة عين : شوفي حبيبتي المكان اللي انتي فيه مكان المقابلات واجتماعات الحبايب .. ثاني شي .. انتي بمكان شبه .. تدرين ليش ؟؟
كان ودي اعرف انا وين بالضبط فسألتها بسرعه : ليش ؟؟
الثانية وهي تناظر في اللي معها وتضحك : شوفوا المسكينه ماعندها خبرة .. حبيبتي مفروض لما تواعدين تقولين لي اول شي عشان اضبط لك شي من ماتنكشفين ..
قلت لها بقلة صبر وانا امسح العرق من جبهتي : قولي ليش مكان شبهه ؟؟
الثانية : لان لو أي رجال بيطلع من الفيلا راح يشوفك .. لان موقعك استراتيجي .. والمكان اللي تو مشينا فيه هذا كله يخص قسم الرجال ..
انفجعت وانا اصرخ بداخلي مقهورة :الحمد لله محد شافني والا كان انطبق كلام البنات علي ..
الاولى : هاه الحين بتعلمينا الحين من مواعده والا وشلون ؟؟
قهروني من جد .. وحبيت اعلمهم درس عمرهم ماراح ينسونه ..
طلعت جوالي وانا اقول لهم : ثواني بس .. واعلمكم من هو ؟؟
الثانية : لا مو تعلمينا بس نبي نشوف شكله ..
اشرت لها على خشمي وانا مرتفع ظغطي منهم : على هالخشم .. ثواني بس عشان اوصف له مكاني ..
:: رد: حكاية عشاق ( خاطره منسوجه بقصة ) ::
ضحكوا على خبالهم وهم مو دارين باللي راح يصير لهم ..
رنا : الو ..... هلا ...... امممممم اقدر اشوفك ؟؟....... افااااااا ...... امداك تنسى بالمكان اللي دايم نتواعد فيه .. عند الشجرة الكبيرة .. شوف انت اطلع من الفيلا وانا راح أأشر لك تجي .. اتفقنا .... اوكي .. باي حبيبي ..
ناظرت فيهم وانا اضحك بداخلي ..
قالت الثالثة : على فكرة حبيبك خراط تو اشوفه يتلصص عليك من ورى الأشجار ..
ناظرتها برعب وانا خايفه .. يعني الخيال اللي شفته وانا سرحانه ماكان خيال .. يعني فيه شخص قاعد يناظرني ..
يارب سترك .. احس اليوم فضيحتي راح تكون بجلال من كبرها وطولها ..
لكن مايهمني اهم شي عندي ان هالحيوانات اللي قدامي تتربى ..
شفت الثلاثه ضموا بعض وبدوا يتساسرون .. بعدين راحت ثنتين وبقت وحده جلست قبالي ..
دق جوالي ورديت على طول : هلا .. اوكي انت بس قرب للنخيل والاشجار وانا اذا شفت زولك اجيك ..
الاولى اللي جالسه قبالي : انا بجي معك ..
استغربت بجاحتها وقلة ادبها : عادي يشوفك ..؟؟
انا بحسن كنت اقصد زوجي .. لكن هي الغبيه تحسبه حبيبي اللي مواعدته .. شكلهن متعودات على هالحركات ..
الاولى : ايه عادي ..
رنا : انتي وش اسمك ؟؟
الاولى : اول انتي ؟؟
رنا : رنا ..
الاولى : العنود ..
رنا : وين راحوا اللي معك ؟؟
العنود : الحين بيجون ..
شفت زول رجال يقرب من جهتنا .. قمت على طول وتواجهت انا وياه ..
طلع احمد .. لما شافني سألني بإستنكار : وش فيك ؟؟ وليش مناديتني هنا ؟؟
التفت بشوف العنود لحقتني او لا ..
لكني انصدمت لما شفتها وراي لكنها بعيده شوي .. لكن تشوف احمد واحمد يشوفها ..
قربت من احمد وقلت له بصوت واطي وشرحت له كل شي
عصب احمد وثاااااااااااااار ..
بعدني عن طريقه وهو يأشر للبنت اللي كانت وراي : تعالي ...
قربت عنود بكل جرأة وقلة ادب وهي تصفر ..
شفت احمد كان حاط يده على شماغه واستغربت حركته وخفت كثير من اللي كان يجول بخاطري ..
لايكون احمد بيضربها .. لا لا احمد مايسويها .. بندر اقول يمكن لكن احمد لا ..
لما قربت البنت وهي كل شوي تصفر بيدها ..
قرب لها احمد وانا خايفه من اللي بيسويه لها ..
او ماحط يده على كتف العنود ..
نزل العقال اللي كان ماسكه من قبل .. وطاح فيها جلد اللي لايوريكم .. صوت صراخها وتوسلاتها خلاني اتحرك
واحاول افكه لكن ماقدرت ..
استغربت الجموع اللي تجمعت بسرعه هايلة في المكان ..
وحريم يصارخون بأعلى اصواتهم .. عرفت ليش اختفن البنتين ..
كانن راح يدبرن لي فضحيه محترمه لو طلع الحبيب مو زوجي ..
من جد حقدت عليهم .. وتمنيت احمد يذبحها مو يضربها بس .. ابتعدت شوي وانا احس بضيق وخنقه ..
انتبهت لشخص يطلع من بين الأشجار وسط صيحات الحريم المستنكره واللي ماتدري وش السالفه ..؟؟
انقض الرجال على احمد يحاول يبعده .. لكنه ماقدر ..
كان يدور بعيونه على شي ضايع لكنه لما شافني كأنه لقى الشيء اللي مضيعه ..
ارتعبت لما قرب من عندي وهو يحط يده على رقبتي ويخنقني ...
صرخت بأعلى صوتي اللي فاق صراخ العنود بأضعاف مضاعفه : أحمــــــــــــــــــــــــــــــــــــــد .. أحمــــــــــــــــــــــــــــــــــــد ..
ماكنت اشوف اللي يدور حولي لان عيوني بدت تتقلب من قوة الخنقه ..
:: رد: حكاية عشاق ( خاطره منسوجه بقصة ) ::

أحمد
كان فيني جنون الدنيا وانا اضربها ..
اللي قالته رنا عنهن خلاني اثوووووووور ..
ولما شفت التجمع الكبير ومحاولتهم انهم يفكونها مني ..
كان ودي اشوف البنتين اللي معها عشان ابرد حرتي ..
لكني لما سمعت اسمي بصوت رنا وهي تصرخ .. حسيت فيها شي ..
وقفت عن الضرب والتفت بشوف رنا اللي كنت ادري انها وراي ..
شفت رجال ماسك في رقبتها ويحاول يخنقها ..
تركت البنت اللي في يدي وحاولت افك يد الرجال عن رنا ..
ولما فكيتها اشتبكنا انا وياه وبدينا بالضرب لبعض ..
علقنا ببعض وكل واحد منا مو راضي يفك الثاني ..
حاولت وحاولت افلت لكن في الاخير قدرت ..
رحت لرنا اللي كانت مرعوبه وشكلها خايفه مرة ..
سحبتها مع يدها على خفيف وانا احاول ادور لي على مخرج اطلع منه .. انا ورنا ..
دقيت على سعود وقلت له يجي بسرعه للمكان اللي وصفته له ..
التفت على رنا اللي كانت فاقده الوعي لأي شي يصير .. : معك عباتك ..؟؟
هزت راسها بنعم ..
احمد : بسرعه طلعيها وتغطي ..
طلعتها بسرعه ولبستها وقبل لا تغطي وجهها شفت نفس الرجال جاي ومعه مجموعه من الشباب .. واشكالهم ناويه شر ..
سحبت رنا وخليتها وراي وانا اقولها : لا تخافين .. لاتخافين .. خليك وراي ولا تخافين ..
على صعب الموقف وخطورته الا اني ماشفت دموعها .. حمدت ربي انها الا الآن قويه وتقدر تتحمل لو صار أي شي ..
عدت الرقم بسرعه قبل لا أحد يقرب من عندي وانا استعجل سعود بالرد : بسرعه سعود الموضوع خطير ..
سعود وهو يلهث : جاي جاي وترى معي بندر ..
زفرت بضيق وانا اقول : ياليل الليل بندر وش جايبه بعد ؟؟
سكرت الجوال وعطيته رنا تحطه في شنطتها ..
قربوا الشباب اكثر واكثر وحاوطوني انا ورنا ..
شفت رنا وهي تضمني من ورى بأقوى ماعندها ..
جاني واحد من قدام وبدى يوجه لي ضربات وانا خايف على رنا لا يجيها شي ..
احلى مافي الموضوع اننا بعيدين عن الهوشه اللي صارت قبل شوي عند الحريم ..
حسيت رنا تتعلق فيني اكثر واكثر وتعصر بطني .. لما التفت بشوف وش السبب ؟؟ شفت واحد يسحبها لجهتها .. جن جنوني ..
وانا اضربه بقس على وجهه ..
لكن انهالت علي الضربات من كل مكان وحسيت رنا تنفلت من بطني وانا اصرخ بكل قوتي وانا انادي على سعود وبندر .. لان لحالي مقدر اسوي شي .. خصوصا معي رنا ..
حاولت اضاربهم وانا اشوف الضرب والركل جاي صوب رنا ..
قعدت اصارخ وانا اسب واشتم واضارب بكل قوتي .. لكنهم قووني الملا............. ..
كتفوا يديني وقعدوا يضربونها قدام عيوني .. وهي متمده على الأرض والكل يركلها ويصفعها ..
ماصدقت اشوف سعود وبندر وانا اصرخ فيهم : ابعدوها عنهم ابعدوها ..

رنا
صعب البنت تنضرب خصوصا من رجال ..
لان الرجال ضربه قاسي ومايرحم ..
لكن اللي اصعب منه انها تنضرب وهي قدام زوجها ويدينه مكتفه لاحول له ولا قوة ..
وسط الركل والضرب اللي شفته ..
بغى يغمى علي لكن اللي صحاني .. سقوط شخص علي بكامل قوته .. وتحويطه لي بذراعينه وهو يحاول يشليني ..
لكن الركل والضرب مازال موجه لي ..
لكن الشخص كان يحاول يصدهن قد مايقدر ..
سحبني على التراب بقوة وهو يحاول يشليني ويبعدني عنهم ..
تكاني على نخله وعطاني ظهره وهو يحاول ان ماحد يجي صوبي ..
كان يصارع بقوة .. وانا اشوفه وماني قادر اعرف من هو .؟؟
غمضت عيوني بألم .. وانا حاسه اني اصارع الموت ..
ماتوقعت ان تغميضة ثواني راح تجيب لي الف ركله على ظهري وبطني ..
لكني مافتحت عيوني واستسلمت للأمر ..
شوي حسيت بأحد يشليني ويلمني بحضنه ويركض فيني بأقوى ماعنده .. حسيت انفاسه سريعه ويداته مجبصه من كثر ماهو راص علي ..
كنت مغمضه عيوني وتمنيت انه يغمي حتى ما أحس بأي شي يصير لي ..
وقف عن الركض .. فتح يدينه ونزلني على الأرض وهو يلهث ..
حاولت افتح عيوني .. وكان كل خوفي اني اشوف وجه غير مألوف عندي وناوي لي على شر ..
لكني انصدمت لما شفت بندر ووانصدمت اكثر لما شفت وجهه اسود .. جثى على ركبه وقربني لصدره وضمني بأقوى ماعنده .. حاولت ابعد عنه لكن ماقدرت لأن جسمي كله مكسر .. تكلمت وانا احس فكي مكسور : ابعد عني يابندر .. بندر .. بندر ..
لكن لا حياة لمن تنادي .. زي اللي ماصدق يشوفني .. عشان يسوي اللي في خاطره ..
لما ماشفت منه أي حركه .. نزلت دموعي بقلة حيله وانا اقول : حرام يابندر والله حرام .. انا زوجه اخوك .. مايجوز ..
وحاولت اقاوم بشتى الطرق لكن مانفع ..
اذا هو شايلني وراكض فيني وهو بهالقوة .. مستحيل اقدر افلت منه وانا المكفخه اللي مافيني عرق يسقي عرق ..
بندر وباين من صوته انه يصيح : حرام اللي يسويه فيك أحمد والله حرام ..
صرخت بقوة وانا احاول ابعده عني : حرام عليك انت اللي تسويه فيني ...
ابعد عني وحط راسي على فخذه وهو يقول : تقدرين تمشين ..
هزيت له راسي بأيه وانا احاول اقوم واغطي وجهي ..
تقدمني وانا وراه اجر رجولي جر ..
ماصدقت اني شفت باب الشارع .. طلعت وانا احمد ربي واشكره اني طلعت سليمه ..
ركبت السيارة اللي فتحها لي بندر ..
لكن بندر ماركب .. طلع جواله وشفته يكلم ..
ولما خلص مكلم ركب السيارة وشغل المكيف وبعدها نزل ..
سندت راسي لورى وانا حاسه بدوخه ودوران في راسي ..
غمضت عيوني ورحت في عالم ثاني ...

احمد
تضاربنا حنا والشباب الين تذابحنا ..
ماكنت اصدق ان فيه احد جاء وفكنا من بعض ..
دورت بجيوبي عن جوالي لكني تذكرت اني عطيته رنا ..
اوووووووووووه يارنا وينك ؟؟ ان شاء الله تكونين بخير ..
اخذت جوال سعود وحنا نمشي بنطلع من المزرعه ..
احمد : وينك ؟؟ ووين رنا ؟؟
بندر : لاتخاف رنا معي وهي بخير .. انا برى ركبتها السيارة وانتظرك تجي ..
احمد : اوكي يالله انا جاي ..
استعجلت بخطاي وانا حاس نفسي متكسر على الآخير ..
التفت على سعود وانا اقول بسرعه لاني بطلع : انا بروح لرنا وانت رجع اهلي اوكي ..
هز راسه وهو يقول : اوكي ..
طلعت بسرعه وركبت ورى جنب رنا ..
ناديتها مرة مرتين ثلاث .. ماردت خفت عليها .. وبان على وجهي لان بندر انتبه لتغير وجهي طق قزازة السيارة وهو يقول : لاتخاف هي بس نايمه .. ودها البيت وخلها ترتاح ..
نزلت من السيارة وضميت بندر بقوة وانا اقوله : مشكور ياخوي ..
ركبت السيارة وعلى طول على البيت ..
اللي من وصلته شلت رنا بين يديني ورقيت فوق من دون مايحس احد علينا وحنا داخلين .. نومتها على السرير وانسدحت جبنها ورحت في سابع نومه ..

نهاية ..

برآءة انثى · 20 - 01 - 2012, 04:34 AM

يسلموا وربي تحمست لايكوون مالها تكمله اهئ اهئ وربي انها جوووونااان يعطيك العافيه اخووووي

برآءة انثى · 20 - 01 - 2012, 02:52 PM

انت مسويهااااااااا

| **جوانا ●** · 24 - 01 - 2012, 03:44 PM

يعطيك الف الف عااافيه

صراحه شي خياااااااااااال

بس لها تكمله ولا لا

ودي واحترامي

Mero.flower2 · 15 - 02 - 2012, 09:50 AM

الله يعطيك العافيه
ومشكوووووووور كتير
قصة رائعه وخياليه
ليها تكمله ويسلمو ايديك
تقبل مرورى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلنا عشاق لكن!! كلن له حكايه!!	تهاني البلوشي	قسم المواضيع المكررة	0	09 - 10 - 2011 08:50 AM