طلعتنا في مخيمات الثمامه بالرياض-حصريا لرجة بنات2012 - منتديات رجة بنات - بنات الرياض

| **حلاي غير ●** · 29 - 01 - 2012, 12:10 AM

مخيمات , مرحب , الثمامه , بالرياض-حصريا , بنات2012 , طلعتنا

طلعتنا في مخيمات الثمامه بالرياض-حصريا لرجة بنات2012

طلعتنا مخيمات الثمامه بالرياض-حصريا لرجة

السلام عليكم ورحمة الله وبركاته

كالعاده أجيكم بموضوع حصري ويكون لكم أنتم فقط

مع بداية الاجازه سافرنا الى الرياض عاصمة المملكه العربيه السعوديه

وهناك قضينا اوقات روعه بحمدلله ...

وانبسطنا حيل وكان الجو هناك برد موت أستغربو أهل الرياض من البرد هذا

وقالو جيتو وجبتو برد القصيم عندنا > ههههههه

زين انه طلع برد عشان نخيم ونستانس هناك بدل الاجواء الحاره اللي اعتادو عليها أهالي الرياض

المهم أستأجرنا مخيم بالثمامه وكان المخيم حلوو مره ماشاء الله ووسعة صدر الحمدلله

رحنا للمخيم الساعه 12 الظهر وطلعنا 12 بالليل

أخليكم مع الصور شكلي طولت بالقرقه

| **حلاي غير ●** · 29 - 01 - 2012, 01:39 AM

طبعا مشينا ومشينا ياطول مشاوير الرياض

ودخنا حيل وكنا زحمه بسيارة جدي الله يطول بعمره ويحفظه لناا

المهم قبل ندخل البر لقينا ناس تبيع شاء الله عليهم

يبيعون حطب ومويه وأغراض شوي (اسياخ)ويبيعون ملقاط النار

ونزل جدي يشتري لنا حطب ماشاء الله وجلست اصور انا واختي

وكملنا مشوار الطريق ومشينا وجلسنا شوي ندور المخيم حقنا لان المخيمات كثيره ماشاء الله

وزحمه حيل ناس وشباب بالدبابات البر مليان ماشاء الله عليهم

وأخيرا وصلنا مخيمنا عشان ننزل ونمغط رجلينا > ههههههه < مزحوميين حيل
:: رد: طلعتنا في مخيمات الثمامه بالرياض-حصريا لرجة بنات2012 ::

ويوم نزلنا جلست امشي واصور كم صوره

وهذي جلسه رووعه تحمسسست حيل متى يجي العصر ونشب الضو بس حوسه شوي لان جانا هوا قوي شوي

وهذا منظر الرمال صورتها لكم

وبعدين دخلت جوا الخيمه وجلست أصور لقطات ورحت للزاويه وشفت التلفزيون وصورته هم عمدا مستأجرين

بوه تيليفزونات عشان بالليل مبارة الهلال ×النصر

وهذي الزاويه الثانيه طبعا مافيه حوسه لاننا تونا جايين

وهذا الشباك

^
^
^

هذي الغرفه اللي جلسنا فيها كبيره ماشاء الله

والحين طلعت وشفت خيمه صغيره ورحت لها لانو كان قسم الحريم 4 خيام 3 صغار ووحده كبيره

المهم دخلت هالصغيره واكتشفت انها مطبخ عجبني بساطة الاشياء فيه وقلت بصور

هذا مثل الفرن يستعمل للطبخ

ويكون موصول بااسطوانة غاز

وهذي اغراضنا دخلتها الخدامه هنا

وهذا رتبت عليه الخدامه بعض الاغراض

وطلعت من المطبخ بعد ماخذت جوله فيه وطلعت اتمشى برا واصور

هذاك قسم الرجال بعدي عنا شوي

المهم دخلت للخيمه اللي تعتبر مجلس لان الحريم هناك وحطو القهوه قبل الغداء بكم ساعه

وتقهوينا وراحو البنات يجربون التيلفيزون لقوه مايشتغل

قلت احسن حنا بالبر مو بالبيت وش نبغى بالتلفزيونات

وراحو صوتو لرجال يصلحونه لنا خخخخخخ واشتغل

وبعدين جا مسلسل متابعينه البنات وحطو عليه

وبعدين جلسنا شوي على مايجهز الغداء وصورت حمودي لقيته جاي دخل مع الباب >اكيد اجل مع الدريشه ههه

ورحت على حبال الخيمه ولقيت عندها فتحات وجربت أخذ صوره للي برا من خلال الفتحه الصغيره

وبعدين جابوا الغدا تسلم ايدين اللي طابخينه

وبعدين تغدينا ولله الحمد وقمت اغسل وصورت المغسله > فراغ> ههههه

وبعدين لقت نظري لمبات لونها احمر طبعا ماشغلوها لانه ماجا الليل بس صورتهاا

حاطينها على زوايات الخيمه من برا كل خيمه فيها مثل هاللمبات

وبعدين اذن العصر ووصلينا وراحوا يستأجرون دبابات ولعب وفله وصرآخ وهبال وناس تقلب وناس تفحط

وبعدين خلصت مدة ايجار الدباب لانه كان الساعه بخمسين ريال وسوينا شاهي وجلينا داخل الخيمه

وشربنا على بياله انا وبعض البنات ورحنا نشب النار لانا متحمسين متى يجي العصر

والحين قمنا نجهز الحطب ونشب النار وقعدت اساعدهم واصور

هنا عبودي جلس

وهذي صوره للنار حبيت اصورها من عدة جهات

وبعدين انتظرنا شوي لين تقريبا أذن المغرب
:: رد: طلعتنا في مخيمات الثمامه بالرياض-حصريا لرجة بنات2012 ::

وبعدين جبنا ذره وجلسنا نشوي عالنار

بعدين اظلم الجو وشغلو اللمبات الحمرا واخذت لها صوره
عاجبتني هااللمبات

ورجعنا كملنا الجلسه عند النار

وبعدين سوينا قهوه وجبنا حلويات وشكولاته

وبعد القهوه بفتره جبنا الشيبسات وخلطات الشيبس وفطائر وفليناها قبل تجي المباراة عشان نطلع ونترك المشجعات يتفرجون
نبي نكمل جلسه عند النار

وبعدين اكلنا وخلصنا وقالوا الحريم مانبي نطلع برا بنجيب النار جوا بالخيمه وعجزنا ننصحهم مايصلح
قالو مالكم دخل الا بنجيبها وشوفو النتيجه

المهم تركنا لهم الخيمه وطلعنا قلنا مانقدر ندخل كتمه وانا بسرعه افتح الشبابيك وبعضهم فتحو الباب الثاني حق الخيمه عشان يطلع الدخان برا واخيرا اقتنعوا انه
مايصلح الخيمه جوا وقامو طلعوها برا

وبعدين جت المباراة وقمنا طلعنا عند النار برا
وتركنا البنات داخل المشجعات بس كان فيه
هلاليين ونصراوين ههههههههه طبعا فاز الهلال
وفيه ناس بمخيم جنبنا مع كل هدف يطلقون العاب ناريه
ماشاء الله عليهم
اخذت صورتين للمباراة قبل اطلع

وطلعنا كملنا جلستنا عند النار وفكرنا نسوي العشاء
همبرجر توست وجبنا لحم البرجر وشويناه عالنار
وجهزنا العشاء وتعشينا بسرعه لان صاحب المخيم
قال الساعه 12 بالليل بسكر اللمبات عليكم

واظطرينا نطلع بس كان يوم جميل جدا جدا جدا
لاينسى ابدا عساه ينعاد علينا بالخير يارب

أتمنى موضوعي عجبكم
طبعا فيه اشياء كثيره صارت بس ماصورتها
من شدة الوناسه نسيت نفسي
وخاصه اذا شفت البر خلاص انسى كل شي
بس زين تذكرت وصورت لكم كم صوره
ماحبيت ارجع لكم الا ومعي مواضيع
حصريه لكم

تذكروا ان هالموضوع حصري لرجة بنات فقط
دمتم بحفظ الله ورعايته..~

| **ملك الذكريات ●** · 29 - 01 - 2012, 01:51 AM

ما شاء الله اجل وناااااااااااسة

بس تبين الجد الصور خقااااقيه وروووعه

وتصوير اكسر من نايس

احلا تقيم

يعيطك العافيه

| **♥Nice Girl♥ ●** · 29 - 01 - 2012, 01:54 AM

وعليكم السلآم ورحمة الله وبركآته

يسعد صبآحك يارب

طلعه صرآحه ولآ اروع والتعليقات الرهيبه

انا عمري مآطلعت للبر لآنو نحنا ماعندنا غير البحر بس عشت اجواء الطلعه معاكم

واتمنى انو نطلع متل هالطلعه لآنو صرآحه شي لآيوصف مرآ مرآ عجبني اكتر

سلمت يمنآكي يالغلآ على روعة الطرح

ننتظر جديدك بكل شوق

:: رد: طلعتنا في مخيمات الثمامه بالرياض-حصريا لرجة بنات2012 ::
شكراً لكِ بحجم السماء

| **تحدوها آلبشر ●** · 29 - 01 - 2012, 02:08 AM

يد منوو << لقف ههههههههههههههههه

:: رد: طلعتنا في مخيمات الثمامه بالرياض-حصريا لرجة بنات2012 ::

ولبى عبودي ربي يخليه لكم
وليتني كنت معااكم بس انتي الله يهديك ماتعزمين اذا طلعت ماراح اقولك تعالي معنآآ << زعلت هع

تشُكرآت ع التقييم

| **ملاذي لاحزنت ●** · 29 - 01 - 2012, 05:37 AM

وااااااااااااااااااااااااااااو يااحبي للبر اصير مثل المجنونه
وهات يااركض هههههههه وخرو عني بس >>والله من الحشره الواحد مايصدق
:: رد: طلعتنا في مخيمات الثمامه بالرياض-حصريا لرجة بنات2012 ::
اصور تونس تسلم ايديك احب هطلعات مع الاهل
ليتني معكم >>سلامات
الف شكر حلاوي الله يديم عليكم الونااسه والجمعه الحلوه
لك لايك والتقيم مع خالص ودي لقلبك الطيب ..لاعدم

| **النجمة اللامعه ●** · 29 - 01 - 2012, 12:01 PM

ماشاءالله

تبارك الله

الله يديم عليكم الفرح والسعاده

والله احلى شي بالدنيا البر

ياهو وناسه
:: رد: طلعتنا في مخيمات الثمامه بالرياض-حصريا لرجة بنات2012 ::

وربي افتقدت لها حيييييييييييل

كان الوالد رحمة الله عليه

ياخدنا البر دايم

كانت ايام ولا احلى

بس سبحان الله

كل شي تغير

الله يسعدكم يارب

ولا يغير عليكم

تسلمي حلاي للموضوع الفله

لك مني كل الشكر والتقدير

| **حلاي غير ●** · 29 - 01 - 2012, 03:55 PM

اقتباس:

المشاركة الأصلية كتبت بواسطة ملك الذكريات

ما شاء الله اجل وناااااااااااسة

بس تبين الجد الصور خقااااقيه وروووعه

وتصوير اكسر من نايس

احلا تقيم

يعيطك العافيه

^)^

الله يعافيك

وشاكره لك مرورك من هناا

وشكرا عالتقييم

دمت بحفظ الله..~

| **حلاي غير ●** · 29 - 01 - 2012, 04:32 PM

اقتباس:

المشاركة الأصلية كتبت بواسطة ♥Nice Girl♥

وعليكم السلآم ورحمة الله وبركآته

يسعد صبآحك يارب

طلعه صرآحه ولآ اروع والتعليقات الرهيبه

انا عمري مآطلعت للبر لآنو نحنا ماعندنا غير البحر بس عشت اجواء الطلعه معاكم

واتمنى انو نطلع متل هالطلعه لآنو صرآحه شي لآيوصف مرآ مرآ عجبني اكتر

سلمت يمنآكي يالغلآ على روعة الطرح

ننتظر جديدك بكل شوق

شكراً لكِ بحجم السماء

^(^

العفوووو

تسلمين والله منووره الموضوع

بطلتك الحلووه

وان شاء الله تطلعون مثل هالطلعات

وتنبسطون فيهاا

دمتي بحفظ الرحمن..~

| **حلاي غير ●** · 29 - 01 - 2012, 04:36 PM

اقتباس:

المشاركة الأصلية كتبت بواسطة تحدوها آلبشر

يد منوو << لقف ههههههههههههههههه

ولبى عبودي ربي يخليه لكم
وليتني كنت معااكم بس انتي الله يهديك ماتعزمين اذا طلعت ماراح اقولك تعالي معنآآ << زعلت هع

تشُكرآت ع التقييم

^)^

العفووو

آمين ويحفظ غاليك

تسلمين منووره الموضوع

وهذي يد أختي هي تصور وانا اصور الكام حقهاا

دمتي بحفظ الرحمن..~

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توست بحشوة الدجاج-مثلثات التوست بحشوة الدجاج-حصريا لرجة بنات2012	حلاي غير	طبخات رجة بنات الحصرية	8	17 - 01 - 2012 03:14 PM

للمزيد من مواضيعي